Lluis de Turiellos

Y un poeta orixinal, que ye una categoría a parte que dexa güelga propia nel camín de les lletres, que yá ye abondo. (Munches gracies, Lluis)

martes, 28 de diciembre de 2010

GÜEI, NAZ "FIGOS EN COURIAS, CAGALERA EN CANGAS"


Güei, naz esti hermanu de “Pimpiruladas”: “FIGOS EN COURIAS, CAGALERA EN CANGAS”. Asina, a los 2 años cabales, yá espublizo —p’andar per casa—, la pareyina.

Acristiano con esa caxigalina, que sentíase fai cuantayá a nuesos pas ya güelos nesa faza, una riestra chiplaterías que voi iguar al rodiu’l conceyu de Cangas del Narcea, u naciera mio pá.

Nun quiero escaecer dicivos que si dalguno sabe como cobrar los 2500 euros pol nacimientu seya tan candial que me lu diga.

http://pindesierracangas.blogspot.com/

lunes, 27 de diciembre de 2010

El Sporting busca un cerebro


Deportes
El Sporting busca un cerebro (La Voz de Asturias 27 d’avientu de 2010)


¡CUIDÁU, QUE NUN TA PERMITÍU’L TRÁFICU DE MUÉRGANOS!

domingo, 26 de diciembre de 2010

¡Yes inmortal, Ramonín!


Ramón Blanco fue el niño decapitado que una mula arrastró hasta Tolivia
El cantante de «Los Berrones» sobrevivió a un gravísimo accidente cuando tenía 13 años...
En junio llegó a tener cinco exámenes al día. Salía del de Francés de 3.º y entraba en el de Historia de 4.º. Sacó 10 en Latín... (LNE, 26 d’avientu)

¡Yes inmortal, Ramonín!
Nada fina a esti paisanu,
que sacó un 10 en llatín
y güei 10 en asturianu.

Pindesierra

jueves, 23 de diciembre de 2010

¡Bon día de la Salú, feliz Navidá, Añu Nuevu y Antroxu (Antroiro)!


Toi mui contentu, anque nun me tocara nada —yá que nun xuego a la llotería (namái xuega la muyer y la probina nun tien suerte)—, porque seique tocó al castrón del mio vecín, col que nun me llevo; d’esta miente, anda fartándose a champán y asina igual-y pega dalguna españada'l fégadu. Amás, aborrezo esi xuegu y que tean tol tiempu espublizando pa que la xente gaste los pocos cuartos que tien.

jueves, 16 de diciembre de 2010

LA ENFERMERA


Aunque no utilizo el blog para estos menesteres, “cuelgo” aquí las cuartetas sobre la enfermera por si no las he remitido a todos los que me las habéis solicitado en clase.

LA ENFERMERA

Nuestra vecina de abajo,
enfermera de hospital,
al ir para su trabajo,
se tira un pedo puntual.

A las 6 de la mañana,
sirve de despertador,
después se atavía ufana
y baja en el ascensor.

Despereza aquel entorno,
su colosal ventoseo,
sin sufrir ningún bochorno,
dado que yo no la veo.

No se queda ahí la cosa,
ya que cuando nos cruzamos,
la ATS gaseosa
me da un apretón de manos.

Yo la miro de reojo
a esta adyacente artillera,
que bombardea a su antojo
la colindante escalera.

La portera que es cotilla,
enterada del revuelo,
le regaló manzanilla,
pues la tomaba su abuelo.

Nos recomendó un vidente
que utilicemos la magia
y convoque el presidente
junta contra la aerofagia,

instando a su sanatorio,
y al doctor de digestivo,
que socorra al auditorio,
tratando el eco expansivo.

Cesarán así los males
de esa vecina tan maja,
los daños colaterales
y, quizás, alguna baja.

lunes, 13 de diciembre de 2010

Retarda et chronica


Apingayé nel escañu y soñé que remanecíen los romanos en Hispania. Acolumbré nel mio suañu les obres del AVE qu’amosaben un cartelu nel que se lleía “Avis Asturica retarda chronica”. Dempués, colaba a Tinéu; sicasí, taba pesllada la carretera por culpa de que'l prefeutu Pepe Albus diba a inaugurar otra media llegua de la via Ovetus L’Espinae Aeternita y tuvi qu’ arredolar pel Camín del Puertu la Mesa. Asina que l’autovía Uviéu-La Espina nun entama a furrular nin colos estraterrestres.

martes, 7 de diciembre de 2010

Al tayu, de baldre.


¡Coime!, ¡la qu’armaron colos controladores!, mira que mandar l’exércitu l’aire pa controlar los controladores —de xuru que democráticamente—. Amás, dixera Cocidín Madrilañu que va prindar a quién haya blincáu la llei. Ensin embargo, cuando hai fuelga de Metru, tola xente caleya peles cais, camín del tayu, semeyando cadabres de la nueche los muertos vivientes y nun pasa nada. ¡Home calla! ¿ye más señaláu esnalar pa dir ver les pirámides?, amás que, de la que surden na televisión en dalgún reportax de la 2, naide-ys fai nin putu casu; seique nin qu’apaeciera'l mesmo Xuan Cabritu.

¡Miániques!, lu bono d’esta cuestión ye sofitar que, si paren los coches de llinia, sacarán los tanques pa carretar la mano d’obra, ensin escotar pol trayeutu.

lunes, 29 de noviembre de 2010

VELA O REYU


En xineru d’esti añu, los xubilaos nun recibieron paga compensatoria nenguna. Pal añu que vien, tampoco, por culpa de que tan conxelaos. Agora van xubir pola esviación de la inflación un ruin 1,2 %; mentanto que les tases, la lluz, el gas o los carburantes xuben una burricada. Asina, van poder mercar una vela p’allumar l’escusáu mientres caguen o un reyu pa colingase d’un rebollu. D’otra miente, los qu’armaron la crisis nun van tornar nada de lu que garraron.

lunes, 22 de noviembre de 2010

LAS PANOYAS DE TINA


Colingando d’una esquina,
enriestrando’l so maíz,
tan las panoyas de Tina,
que colaron pa Madrid.

Antes taben na panera
de la so casa en Sorriba,
dexanon esa fastera,
mentanto que yo me diba.

Ablucáu quedó’l raitán
que nel cielu da’l rabil,
pel pandu “Nuevu Baztán”,
nel casar de Vi!!aouril.

Camudaron corredor,
tamién, finxu cardinal,
l’orbayu pola calor
ya la xelada ivernal.

Amarie!!an nel riscar,
encaldien n’atapecer;
albentestate, el pingar,
de la qu’entama a !!over.

Nortiando los olivares,
sofiten la renombranza,
pente xineiru y payares,
distrayen la so folganza.

Asina, dende aquel día,
a la vera la Santina,
amuesen asturianía,
repolitando esa esquina.

lunes, 15 de noviembre de 2010

De cote


Una vegada, traté d’acolumbrar el mio perfil Facebook; pero, nun fui quien a ello, yá que me proyeutaba de frente y, si m'allugaba de llau, nun me vía.

jueves, 11 de noviembre de 2010

EL MARTIELLU TEXAS



Topáronlu fosilizáu en 1934, a la vera la localidá texana de London. Taba encualláu na roca. La madera'l mangu fosilizada y la tiesta fierro fundida cola peña. Esto quier dicir que'l martiellu yera ¡más vieyu que la roca!

Mentanto, enforma tiempu, el martiellu crió povisa nun pequeñu muséu local, fasta que daquién fizo un analís detalláu. El mangu de madera petrificada quier dicir que tuvieron que pasar siquier 140 millones d'años pa esi procesu. Cuando los primeros homínidos nun surdieron hasta fai 7 millones d'años y fáense ferramientes fai namái 2 millones. Tocantes a la cabeza fierro ye d'una pureza cuasi total, daqué que pue llograse seique con avanzaes téuniques metalúrxiques.

¡Madiós!, yá sabemos que tamos en crisis; sicasí, ye una vergoña qu’un muséu americanu nun seya a mercar un martiellu Palmera d'esos más curiosos por si tien que cabruñar dalgo.

domingo, 7 de noviembre de 2010

ABURRÍSE N’ALDEGA


Domingu, comercios abiertos, vezos de ciudá, idees fixes: “la vida nos pueblos pequeños ye mui aburrida, sobre too pela seronda y pel hibiernu...”

Esguilar los cuetos, andar pelos cordales, agüeyar riscares, columbrar animales, sentir los páxaros, galguiar nos caminos, amagostar castañes, calecer nel llar, xintar de lleña con fogaza mestura, saboriar un café puru, char la partida nel chigre, dir de filandón, cantar cantarinos, apingayar nun escañu...

Asomo al corredor de la mio casa, la xente se distraye faciendo “Alcamping”, quedo ablucáu, ye qu'a min préstame tar aburríu.

viernes, 5 de noviembre de 2010

L’AMARRE POLOS APELLÍOS


(Escudu del apellíu “Castrón”)

ASTURIAS
La polémica de los apellidos divide a los asturianos
LNE (5-11-2010)

Yo conozo un fíu puta que quier siguir calteniendo, d’entamu, l'apellíu’l so pá.

miércoles, 3 de noviembre de 2010

¡MEDRAN LOS INGRESOS (HOSPITALARIOS) POL “TURISMU”!


“Vinimos a España pa un casoriu y pa que la fía pariera nesti país tan afayadizu” —camienta la ma de la mociquina que tuvo un neñu con 10 años—. La xente queda ablucada porque ye mui nueva; agora que, yo sentí pela cai que’l padrín va ser un güelu de 15.

martes, 2 de noviembre de 2010

DEPRENDI ASTURIANU


ALVERBIOS D’AFIRMACIÓN

sí, claro, tamién, daveres, mesmo, mesmamente, escurque, seguro, masina, etc.

martes, 26 de octubre de 2010

Rempuesta al mio bon amigu Xosé Nel


Rempuesta al mio bon amigu Xosé Nel, cabezaleru del Centru Asturianu de Madrid, sobro “el big bang del nacionalismu y una llingua llaboratoriu”, un alderique de Xosé Antón Colao a la Nueva España...

En Asturies hai “dalgunos” foriatos y fíos de foriatos, amás de “dalgún ranciu” nacíu en ciudá, que tan nenyuri —que non n’ayén—. Estos guilopos nun falen asturianu nin saben asturianu, y xingáis nun lu saber. Dientro d’esta clas de xente, hailos que reburdien ensin conocencia. Nun merez la pena nin retruca-ys; sicasí, voi dicite, amigu Nel, que l’asturianu esistía enantes del castellán (de la mesma mena, qu’Asturies ye anterior a Castiella) y ye una llingua romance na que remanecen pallabres prellatines. La única verdá ye que los nacionalistes lu emplegan; agora que, seique, lu falen munchos más non nacionalistes. El big bang tienlu, él, españando na so tiesta.

—¡Xosé Antón (José Antonio) esbaria Vd. como lu esclara'l so primer apellíu!, ¡la mio güela nun pisó, enxamás, un llaboratoriu!, ¡si nun-y presta vivir n’Asturies, marche!

—¡Xosefina, nun calezas muyer!

Un candial abrazu pa toos, Nel.

jueves, 14 de octubre de 2010

LLINGUA OFICIAL


L’aranés ye güei llingua oficial. Yá nun hai torna de fueya, mui ceo lu será l’asturianu. Asina que, los faltosos que refugaron la so cultura y la so fala materna , ¡xingáivos!

Norabona a la bona xente’l país.

Pindesierra

D’otra mena, Rubalcaba promete a los toreros que va trespasar la Fiesta d'Interior a Cultura...


PP y PSOE nun coordinen planes económicos pa surtir de la crisis; sicasí, finquen los sos dixebraos impuestos ensin tener en cuenta les ruines xubíes de los xornales y l’aterida les pensiones. Agora, pónense d'alcuerdu nun nuevu aspeutu, sofitar el martiriu de los inocentes corninos escontra la opinión espresada pola mayoría d’españoles. Ye por ello que-ys retrucaré votando a los antitaurinos fasta que depongan la so cafiante actitú y, amás, encantaríame qu'espardiera una reacción asemeyada.

Un recordatoriu pa verdugos y veceros, católicos: La escomunión dictada pol Papa San Pío V, na so bulda “DE SALUTIS GREGIS DOMINICI”, contra los que consienten, seya la que seya la so comunidá o estáu, la tortura los gües “...Considerando qu'esos espectáculos en que se cuerren toros y fieres nel circu o na plaza pública nun tienen nada que ver cola piedá y caridá cristiana, y queriendo abolir tales espectáculos sangrinos y vergoñosos, mesmos non d'homes sinón del degorriu, y empobinar a la salvación de les almes, na midida de les nueses posibilidaes cola ayuda de Dios, prohibimos dafechamente por esta nuesa Constitución, que va tar vixente pa siempres, so pena d'escomunión y d'anatema en que se va cayer pol fechu mesmu (ipso facto). De secute, amiesta, qu'a aquellos que seyan a enfrentase a estos animales o otres fieres en dichos espectáculos nun se-yos dea cristiana sepultura...”

miércoles, 13 de octubre de 2010

LA TORTURA COMO BIEN CULTURAL


Rubalcaba promete a los toreros que traspasará la Fiesta de Interior a Cultura...


PP y PSOE no coordinan planes económicos que nos permitan salir de la crisis; no obstante, elevan sus particulares impuestos sin tener en cuenta las raquíticas subidas de los salarios y la congelación de las pensiones. Ahora, se ponen de acuerdo en un nuevo aspecto, apoyar el martirio de los inocentes astados en contra de la opinión expresada por la mayoría de los españoles. Es por ello que, ante este fragante menosprecio, les responderé votando a los antitaurinos hasta que depongan su deplorable actitud y, además, me encantaría que proliferara una reacción similar.

Un recordatorio para verdugos y aficionados, católicos: La excomunión dictada por el Papa San Pío V, en su bula “DE SALUTIS GREGIS DOMINICI”, contra los que permiten, sea cual fuere su comunidad o estado, la tortura de los toros “...Considerando que esos espectáculos en que se corren toros y fieras en el circo o en la plaza pública no tienen nada que ver con la piedad y caridad cristiana, y queriendo abolir tales espectáculos cruentos y vergonzosos, propios no de hombres sino del demonio, y proveer a la salvación de las almas, en la medida de nuestras posibilidades con la ayuda de Dios, prohibimos terminantemente por esta nuestra Constitución, que estará vigente perpetuamente, bajo pena de excomunión y de anatema en que se incurrirá por el hecho mismo (ipso facto). Del mismo modo, añade, que a aquellos que osen enfrentarse a estos animales u otras fieras en dichos espectáculos no se les dé cristiana sepultura...”

lunes, 11 de octubre de 2010

EN SOLLERTA NARANXA



Caltiénse, enagora, la sollerta naranxa pala rexón llevantina. Ye prestosu columbrar como, lo menos nel terrén meteorolóxicu, curiamos de tar nuna posición intermedia. El mesmo envís, en países como China, garraría la color mariella; d’otra mena, en dalgunos como Rusia, la roxa.

martes, 5 de octubre de 2010

CONEXIONES ASTRALES


¡Prudencia con la semántica!,
seas perspicaz o lelo,
no toda física es cuántica
ni universo paralelo.

Tributo mi aportación,
cual un átomo, menuda,
sin teletransportación,
dilucidando la duda.

Significado del signo,
desde un prisma diacrónico;
lo mismo, por fidedigno,
su equivalente sincrónico.

Calco de lo ya existente,
duplicidad con rareza,
aunque consta, independiente,
como en la naturaleza.

Analizando el conjunto
de léxicas unidades,
paralelismo presunto,
con materia y propiedades.

Rimo el contacto oportuno
con una tierra alejada,
—581—,
que 20 años son nada.

Nociones de lengua básica
en ciencias experimentales;
contra la hipótesis clásica,
discontinuos naturales.

Sumida en criptografía,
error de nomenclatura;
unidas en poesía,
física y literatura.

lunes, 27 de septiembre de 2010

Don Licinio


El cura’l nuesu barriu yera una escelente persona. Tol mundu lu quería o, a lo menos, naide falaba mal d'él. Yera chaparro y d’humilde condición. D'avanzada edá y pasu lentu. Repartía les hosties mui seliquín y más que confesor yera un psicólogu vecinal. Predicaba con un xeitu qu’asemeyaba falar “ex cátedra” como'l so xefe. La so homilía amosábase tan afayadiza qu'arimábase dalgún qu'otru atéu. Distribuyía carambelos y otres llambionaes ente los neños de la redolada, amás d'a los qu'asistíen a la catequesis, anque fueren de La Ventilla. De la que cruciaba con dalgún garapiellu guilopos, toos galguiaben pa besar la so mano.

Cavilgo que don Licinio —como asina se llamaba esti sacerdote— yera un santu y yo, entós, atalantaba que daría cola so cadarma nuna confitería. Tengo confesar que creía a les clares en que la composición de los pastelinos denominaos “güesos de santu” yera lliteral. Trescurríu'l tiempu, el mesmu día en que don Licinio finó, daquién esclarióme'l tracamundiu y pudi comprobar, dafechamente, como don Licinio recibió cristiana sepultura nel campusantu San Isidro.

domingo, 19 de septiembre de 2010

LABORDETA NUN MORRIERA


“Adiós a los que se quedan
y a los que se van también,
adiós a Huesca y Provincia,
a Zaragoza y Teruel...”

Labordeta nun morriera
que marchó col so collaciu,
el que foi pala ribera,
acompanga-y con xaciu.

El maestru s’afitáu
pa siempres en Aragón,
que naide tea alloriáu,
qu’inda glaya’l so pregón.

Ta nel aire de Teruel,
d'Huesca y de Zaragoza,
amestáu nel so troquel,
xuníu a la xente moza.

Cola so Albada del Vientu,
del que nun pudo tornar,
de xineru fasta avientu
va sentise’l so cantar.

Labordeta nun morriera,
nun trabucar la noticia,
que lu sepa España entera,
sigue con nós, nun ye ficia.

Camina’l pandu camín,
pelos cordales esguila.
¡Tamos contigo manín!,
arrequexaos na mochila.

miércoles, 8 de septiembre de 2010

Smoke gets in your güeyos


Quixera dar a notoriu
lu que socedió en Xixón
nun mui célebre casoriu
na Quinta del Infanzón.

La ilesia foi San Xosé,
el xardín surdió de cuentos,
los novios, col so xarré;
los invitaos, doscientos.

Hubo comida a mamplén,
la bebida, a farta farta,
los gaiteros del terrén,
d’arroz con !!eite, la tarta.

Sentanon na nuesa vera,
de Tinéu ya d'Uviéu,
mozas de Tabacalera,
fumando toas darréu.

Escontra de los sos pelos,
colingaos a la par,
glayaban cuatro cartelos:
¡Nun seyan quién a fumar!

En pasando de la tasa,
tuvimos qu’esmolecer,
ya apurrir pa cada casa,
esti fedor de muyer.

Asina tamos como antes,
xingan cola tolerancia,
unas cafian tan campantes
ya outros a sufrir l’andancia.

Teo enritáu’l gargüelu
pol arume del Marlboru.
¿Qué pensaría mio güelu,
viéndo-ys fumar a coru?

martes, 24 de agosto de 2010

La cabina de Soto de la Barca


Ella me protegió de todo mal, de tal forma que me fue casi imposible adaptarme a la cruda e incomoda realidad sin su presencia y amparo. Ella era el tesón y el trabajo personificados. Poco había en la casa; no obstante, ella se encargó de que nada me faltara. Asistía para que yo realizara una actividad homónima en un colegio de paga cuando estas instituciones eran poco menos que prohibitivas para aquellos que tuvieron la mala suerte de residir a izquierdas de otros. Recorría de madrugada varios kilómetros de sueño diarios para que yo me despertara con un desayuno de profusos y suculentos churros del que otros niños vecinos no podían disfrutar.

Una vez casado, la llamaba por teléfono todos los días que no nos veíamos. Cuando salía fuera de Madrid, buscaba alguno público para poder comunicarme con ella. Después llegaron los móviles; sin embargo, por razones que no vienen al caso, yo los detestaba y me mantenía fiel al fijo. Las veces que me desplazaba a Asturias me detenía en la cabina de Soto de la Barca. Allí, al ahogo de la central térmica que absorbe y emponzoña el paisaje, me deleitaba con su conversación. Ni siquiera me distraía la inquietante presencia de los gigantescos mosquitos que moraban en el reducido habitáculo del etéreo placer de percibir su reconfortante voz.

Desde el momento en que me dejó, la cabina desapareció como por ensalmo. Siempre que paso por ese lugar, escudriño entre los nimbos del humo de la central por si emergiera de nuevo para poder llamar por si acaso ella me contestara, o al menos poder decirle “te quiero mamá”.

jueves, 12 de agosto de 2010

BRANDAL en BELMONTE


Cai nel brandal, la farina;
calma la sede, la fonte.
La Fonte la Canalina
sintiéronla per Belmonte.

Seique dalguna de Netu
escuitárase n’alzada.
Foi nel parque, per xunetu,
ente xota y vaqueirada.

Sones guapos ya castizos
de la fastera asturiana,
sones mui afayadizos,
¡dir a mercalos mañana!

Asina, Grau ya Tinéu
pesllaron la discoteca
por culpa d’esti xaréu
perbaxo Peña Manteca.

Ye que cuando Tania canta,
seya en Xedré, seya en Tuya,
en toa folixa encanta,
naide ye quien a armar buya.

Dende estos andurbiales,
espublizo pa tol norte,
ya roblo que son mundiales.
Pindesierra – Villa y Corte.

lunes, 2 de agosto de 2010

A LA GUETA'L CIELU


A la gueta’l cielu,
Carriquín de Dios;
ellí va’l mio güelu
curiando de nós.

Cucando no prietu,
Carriquín del Rei,
agüeya’l to nietu;
rellumu, prendéi.

El rayu de lluna,
pela nueche escura,
cola cara bruna
y nidia veyura.

A l’Arcu la Vieya,
posáu nel teyáu;
al verde que mueya,
bañando’l segáu.

Lluceru del Alba
canta la tonada;
a la tierra ralba,
al futir, la fada.

Cola xornalera
fasta la seronda,
al campu da-y xera
y semiente abonda.

A la chisba’l norte,
dende la carril
que sal de la corte,
al llau del pretil.

A la gueta’l cielu,
al riscar el día;
el sol torga’l xelu,
retueya la ería.

miércoles, 21 de julio de 2010

LOS VIEYOS TAN DE SUERTE


Ye una suerte tar conxeláu agora qu’arroxa na Villa y Corte pol chornu. Si nun fora poles midíes que tomara l’Alministración –frayando’l Pautu Toledo– d’ esfrecer los vieyos y nun sotripar a los qu’armaron la crisis, más d’ún morriera d’un golpe calor.

martes, 13 de julio de 2010

¡GOCHOS!



Sí, esti comentariu va por vos, los gochos que tirastis los DUREX, allá per mayu, nel área de Sorribas, nel conceyu Grau.

D'aquella, anduvi dende l’apeaderu’l FEVE fasta la faza recreativa –ida y vuelta–, amestando un paséu pela redolada, un total 32 quilómetros con una pergrande angüeña na planta’l pie. El casu ye que, na mesma entrada l’área, dalgunos gochos dexaron en suelu preservativos ensin fadiase dempués del traxín en percorrer apenas 7 metros pa tiralos nel contenedor. Recoyílos con un garabuyu, amás de dalgunes basories qu’escaecieren otros collacios de rebañu, y la campa quedó como’l riscar l’alba.

Al otru día, esguilé les peñes de Peñaflor y baxé delles llates de saín que tamién tiraren otros gorinos nuna pista.

En xunu torné a Sorribas, y entós había un gran fedor porque abandonaren mediu cadabre d'un animal.

Ente toos debemos refertar l'actitú de toos estos gochonzonos que contaminen davezu nuesa Tierrina d’esta mena o de cualesquier otra qu’empuerque'l so territoriu.

miércoles, 7 de julio de 2010

¡NORABONA A LOS OCCIDENTALES!



Yá nun voi llantar más robles nel altu de Cabruñana,

atayará pela Doriga’l coche la mio paisana;

yá que tras cinco retrasos, por fin allugó Pepiño

a inaugurar esti túnel que trespanda’l so “Camiño”

sábado, 26 de junio de 2010

ALVARÍN CON DAMBAS ORLAS


Fino de tornar de Tinéu del entierru una tía. D’outra miente, dalgunas cousas nun fonon a drechas nesti añu; sicasí, dacuando en vez, daqué tien que pintar bien, mesmamente que'l mio fíu Alvarín –con 23 añinos– bilara, al empar, las carreras de Derechu ya de Direición d’Empresas na Universidá Rei Xuan Carlos ensin abasnar nada. Amás, la d’abogáu, con sobresaliente de media.

¡Oxalá que l' orbayu qu’entama a cayer sobre Madrid somorguie pa siempre las nuesas tristuras!

lunes, 21 de junio de 2010

ADIVÍN


Tuvi en La Manga nun hotel mui estrelláu nel qu'había delles termes cartaxineses y dalgunes estatues como la qu’amuesa la soleya. El casu ye qu’una paisana diba tirar una foto a otra que taba asitiada posando xunto a una d’estes figures; entós, de la que yo pasaba a la so vera, y-dixi: “nun-ys la saque asina que van surtir ensin tiesta”. Y foi verdá, la señora, nel intre que la falaba, esvió la cámara y dambes salieren cola morra tarazada.

miércoles, 9 de junio de 2010

¡GRACIAS COMPAÑEROS!



Hoy han finalizado las clases del añejo taller de Recursos Literarios que va tomando, año tras año, cierta fama y relevancia. Atrás queda otro periodo de tiempo acompañado de magníficos coadjutores y de fructíferas vivencias a su lado. Se cierra la libreta de constatar sueños. Duerme la pluma, se silencia la impresora; pero no la imaginación. ¡Cuánto queda sin escribir a su amparo!

Gracias a todos, en general, por las atenciones recibidas; y a ti Raquel, además, por tu última cita que me he permitido transcribir...

“Recordaré a José, por esa facilidad para la poesía, en bable o en castellano, por esa sutil ironía con la que riega todos sus relatos y por ese fino sentido del humor. Y todo ello aderezado con ese extenso léxico con el que nos ha prodigado todos estos meses. Aunque no ganes concursos, ni te presentes, el mérito y el talento lo tienes.”

domingo, 6 de junio de 2010

CORPUS CHRISTI


Corpus Christi, voladores,
los nenos de comunión,
l’ilesia cubren de flores,
entama la procesión.

Escaecen l’amargura,
alcordanzas yá llonxanas,
mentanto predica’l cura
ya repiquen las campanas,

Folixa de bona pinta,
la orquesta anicia a tocar,
de la que fina la xinta,
de la que presta cantar.

De la que claria lo escuro,
de la qu’estena l’orpín;
col paparáu café puro,
aína esnales col maxín.

De la que reza la güela,
de la qu’enrieda’l rapaz,
de la que para la zuela,
de la que sientes la paz.

Corpus Christi, voladores,
vezos vieyos ya tonadas;
nel pueblín los mios amores,
como en dóminas pasadas.

martes, 1 de junio de 2010

DOLCE PUNTOS DE ZREIZAS


Inda nun escaecí la sapada que diera nel !!ombu, fai unos años, al fender las escaladas, de la echaba un gabitu pa pañar mazanas na pequena península de Santu Adrianu, a la vera’l Narcea. Tampoco, de la que m’enganché nuna espetera fierro al blincar d’un teyáu; nin siquiera, de la que cascara la pala’l fornu qu’emplegara de piértiga pa salvar un bardial en Buseiru. Agora qu’alcuérdome meyor de la qu'armé'l caberu sábadu, al tornar de Grau, al dir tapar unas zreizales pa que los glayos ya las pegas nun las arruinaran. El casu ye que, tando nel pasu d’enriba, al empobinar la rede pa trespandar el cabu una zreizal, ximielgué la escalera ya esbariaron las patas, cayendo de raspión escontra una muria qu’esfardané dafeitu. Entós, el ferrial que taba de mano enfocicó conmigo ya frayóme de sopitu fasta dientro la caniella. Darréu, n’Urxencias, el mélicu, dempués de dexar curiosa la faza la !!umera (Agüeyar soleya), cosióme “dolce puntos de zreizas”.

lunes, 24 de mayo de 2010

¡MALDITOS!


(Perrina Mila - Soleya Llevante)

Una perrina ye topada debaxo un coche, en Belgrado, coles cuatro pates amputaes. La precisión de les feríes refuga l'accidente y apunta a l'atomía.

viernes, 14 de mayo de 2010

VIEYOS ESFRECÍOS


En llugar de faer recayer la crisis sobro los sos causantes, qu’enantes arriquecieron, l'Alministración turria y conxela les pensiones de los inocentes xubilaos (esceuto los que cotizaren menos), a los qu’en dómina de vaques fartes nun-ys apurríen más que la revisión l’IPC.

¡Qué apruza'l dineru negru los culpables y qué tornen un cachu de lo especuláu!, ¡qué los países a los que davezu perdonamos la delda nos echen un gabitu! y ¡qué se machuque contra la economía somorguiada!; d'esta mena, surtiremos otra vegada a flote, ensin afogar a quien nun tien culpa.

lunes, 10 de mayo de 2010

AFALAGAR LO NUESO


Los asturianos nun provenimos del África. Tamos n’Asturies/as dende la nueche/nueite los tiempos, de magar qu'iguase la resta!!ada’l Big-Bang. De la qu’esfreciera’l cortezu terrestre. La mio parentela yá morara nos conceyos de Tinéu, Sierra (Cangas del Narcea) y/ya Bual enanties/as del Carboníferu Superior. Naide pue dicir qu’esti terrén nun ye de nueso/nós. D’otra/outra mena, yo, nun soi “Ciudadanu del Mundu” como'l mio bon amigu Pedru Zurita –tienes/ties que perdoname, Pedru-, nun escaeciera nada n’otros/outros países; soi asturianu, namái. Afalago la nuesa faza y la nuesa !!ingua, non como quien-ys refuga. Los mios güesos son povisa d’esta tierra. Nun me peta cafiar foriatos; sicasí, aborrezo que me chingue cualesquier gandaya.

domingo, 2 de mayo de 2010

¡GRACIES AMIGUINOS!


Gracies collacios por avisáme que toi camudando tol pelo de roxu a blancu.
Nun me decatara d'ello.

Un saludín, y amarrá-y curtiu la moza.

Pindesierra

viernes, 23 de abril de 2010

LOS NENOS D'AZUREIRINA


Abenayá, fai de 15 a 20 años, diba d'estrenu un Nissan Patrol roxo, al debalu, camín de los Cadavales; seique, m’esvié a manzorga fasta La Piñera, ya trabuqué una pista cola entrada pa una corralada mui pindia, ya tuvi que surtir a palpu cola marcha de tras. Depués, rumbé pol castañéu l'escontra ya, más sero, esguilé pola Fana Xinestaza. Pa finar, algamé Azureirina ya tuviera falando bien de tiempu col paisanu la soleya. De la que taba echando'l caleyu con esi home, de!!os nenos fonon asitiando !!erones alredor de las ruedas, ensin que me decatara d'e!!o. Asina, qu'al arrincar, furacáronme los baxos, lo que me costó abondo tiempu ya dineru iguar.

Agora qu'aque!!os nenos yá son mozos y, auquiera que tean, espero qu'esto !!egue a los sos oyíos ya pónganse en contautu conmigo pa, de la que vaya, convídenme a un platu queisu ya una sidrina en ca Pipo o en ca la Virxe, como desagraviu.

viernes, 16 de abril de 2010

¡ASTURIES ESNALA!


De conformidad con la documentación técnica obrante a 20/01/2010 en esta Dirección General de Minería y Energía de la Consejería de Industria y Empleo del Principado de Asturias, el número total de aerogeneradores previstos en los distintos parques eólicos (en funcionamiento + en construcción + autorizados asignados + en proceso de asignación definitiva) de nuestra región asciende a 1.089, de los que 1.076 podrían considerarse ubicados en municipios del occidente asturiano. (fusionasturias.com)


Con mil y milenta molinos de naspes afitaos al so terrén, de güei a pocu, Asturies esnalará y tará asitiada nel espaciu.

Pindesierra

lunes, 12 de abril de 2010

EN PILOÑA, NUN TE PIERDES, NIN DE COÑA. (Continuación)


· 12:10 H. Localizada mujer de 60 años desaparecida en Piloña mientras hacía excursión
· 12:08 H. Localizada mujer de 60 años desaparecida en Piloña mientras hacía excursión
(La Voz de Asturias / Comarcas / Lunes 12 de Abril de 2010)

Col comentariu que-ys apurrí, ¡escaecieron qué se perdiera la paisana!, camudaron los titulares espublizaos, y ,agora, ¡topáronla dos vegaes!

Pindesierra

¡Norabona pola efectividá!


La Voz de Asturias / Comarcas / Lunes 12 de Abril de 2010

· 12:10 H. Buscan a una mujer de 60 años desaparecida en Piloña mientras hacía excursión

· 12:08 H. Localizada mujer de 60 años desaparecida en Piloña mientras hacía excursión

Norabuena a la Voz d'Asturies y a los responsables d'atopar a la muyer primero que se perdiera.

Pindesierra

viernes, 9 de abril de 2010

OBRAS ETERNAS


Una decena de proyectos previstos para Asturias -tanto de ferrocarril convencional como de Alta Velocidad o carreteras- está en disposición de lograr financiación del plan extraordinario de infraestructuras que acaba de presentar el Ministerio de Fomento. Se trata de un programa que prevé un gasto de 17.000 millones de euros y que se basa en un sistema de financiación diferido... (La Nueva España 9 de abril de 2010)

6 - Comentario enviado el día 09-04-2010 a las 12:21:02
¿Esto qué quier dicir?, ¿qué van finar yá les obres qu'entamaron de la que mi güela yera moza?

Autor: Pindesierra

martes, 6 de abril de 2010

Pindesierra has completed a maison in Cabruñana


Il résulte étonnant, nous sommes capables de nous exprimer en anglais ou en castillan (a min pétame en francés), mais nous ne sommes pas capacités pour nous communiquer en notre langue maternelle, l'asturien. Le mal appelé bable est antérieur au castillan et il courrait danger de disparaître, sinon dehors par quelques romantiques que nous sommes capables de faire primer nos racines sur le mercantilisme actuel. Nous habitons à un pays de consentie "diglosia". Combien plus idiomes sachons, mieux, non obstant, ¿tu fais quelque chose pour qu'il ne disparaisse pas le à nous?

Pindesierra

domingo, 4 de abril de 2010

Entrugas a “La Sexta”


Estimados señores de la Sexta: ¿Cuántas veces nos van a repetir los capítulos del Mentalista?, ¿no les parece ínfima la programación de Fórmula 1 que intercalan entre la publicidad? y ¿saben que la TPA la ofrece sin cortes?

Muy atentamente,

José Rodríguez Pérez

jueves, 25 de marzo de 2010

Por Salamanca


La dama blanca
de Peña Negra,
a Salamanca,
su faz alegra.

De Peñaranda,
Vitigudino,
que bien se anda,
dulce camino.

Sierra de Gata,
próximo anhelo;
Ruta de Plata,
rompes Guijuelo.

Tu risa amena
la siento cerca;
Valdejimena,
Alba y la Alberca.

Ávila añeja,
muralla dura;
historia aneja
de tu cultura.

Senda bendita,
paz del chiquillo,
de Piedrahita
a Arevalillo.

Pueblos ufanos,
libres de miedos,
de campos llanos
y de altos Gredos.

¡Oh dama blanca!,
seré tu amigo.
De Salamanca,
Ciudad Rodrigo.

(Dedicada a mis amigos Alberto y David -médico de Grau-, abulense y salmantino)

Pindesierra

jueves, 18 de marzo de 2010

L’IPC y les autovíes nuna glaciación

...Las obras de la Línea de Alta Velocidad Norte II, en el túnel ferroviario de Pajares, entre Asturias y León, permitieron el descubrimiento de depósitos glaciomarinos ordovícicos desconocidos en la cordillera cantábrica... (La Nueva España 18-3-2010)

6 - Comentario enviado el día 18-03-2010 a las 20:28:32

Ta claru, los continuos retrasos afitaos nes obres de l'autovía La Espina y la del Cantábricu fueron motivaos pola glaciación Ordovícica Sahariana, y la non supresión del peaxe’l Güerna, como prometieren, tamién nos dexó xelaos por culpa de la nomada glaciación. Ye más, cavilgo que la aporfiadora xuba de precios, nun debe tar percutida nel IPC pola mentada glaciación. ¡Qué burros somos!, mira que nun danos cuenta.
Autor: Pindesierra

martes, 9 de marzo de 2010

ESCOMUNIÓN Y DESANICIU

Yá que namás el Papa, cuando fala “Ex Cátedra”, ye infalible en dogmas de Fe, tenemos d'esculpar al Arzobispáu de Valencia, que nel so consultoriu web –siempres según el diariu 20 Minutos, del 8 de marzu– manifiesta ya inclusive certifica que'l toréu nun ye pecáu. Sería conveniente recordar al respeutive que la Ilesia amosóse contraria a estos espectáculos de muerte y vanidá humana, como se ve na Bulda promulgada'l 1 de payares de 1567 por San Pío V. La Bulda «De Salutis Gregis Dominici» diznos: «Considerando qu'estos espectáculos taurinos nun tienen nada que ver cola piedá y caridá cristiana y queriendo abolir estos espectáculos bederres y vergoñosos, non d'homes sinón del demoniu, prohibimos-ys so pena d'escomunión a los que consienten la celebración d'estos espectáculos nos que se cuerren gües y otres fieres nos llugares onde se lleve a cabu». «Y si dalgún morriera ellí nun se-y da sepultura eclesiástica. Refugamos so pena d'escomunión que los clérigos que recibieren ordes sagraes tomen parte nestos espectáculos. Queden prohibíes les corríes de gües anque sían n'honor de los santos o dalguna solemnidá o festividá de la Ilesia, les que tienen de celebrase con allabancies divines, allegría espiritual y obres piadoses y non con esta clas de xareos». Per otru llau, en 1920 el secretariu d'Estáu del Vaticanu, cardenal Gasparri, escribió que «la Ilesia sigue condergando en voz alto, como fixera La so Santidá Pío V, estos sangrinos espectáculos». Talamente, según la investigación histórica de monseñor Cancianí, tolos qu'avecen estes folixes como actores o espectadores, tán escomulgaos (“Diariu 16”, 5 de xunu de 1989). Xuan Pablo II faciendo usu de la Biblia recuerda que «l'home salíu de les manes de Dios, resulta solidariu colos otros seres vivientes» como apaez nos salmos 103 y 104, onde nun se fai distinción ente los homes y los animales. Tamién tien de recordase que para San Francisco los animales yeren los nuesos hermanos.

Queden pos escomulgaos tolos toreros, picadores, banderilleros y taurinos, sían clérigos o seglares.

Convendría esclariar, pa información de dellos críticos o aficionaos a estes males artes, qu'autu xustifiquen la so afición sofitándose nuna trafulcada Ética, qu'ésta ye la parte de la Filosofía que s'ocupa de la Moral de los actos humanos. La Moral refier a la mesma Conciencia interna del individuu, y la Conciencia ye la conocencia interior del bien y del mal. El que se torture y axusticie un ser vivu buscando la folixa propia en dicha aición ta bramente “mal”. Queda pos infundáu'l so argumentu. De la mesma, nun ye razonable someter a votación la continuidá de la tortura de los gües, éstos son seres vivos inocentes de toa culpa y nun tienen de ser llaceriaos; poro, esa sangrina celebración tien de ser desaniciada dafechu. ¿Imaxínense un referéndum nel que tolos españoles tuviéramos d'alcuerdu n'executar a los paisanos d'una determinada aldega?, sería una decisión democrática; pero, nin xusta nin ética.

Quiero finar, porfiando a la Sra. Presidenta de la Comunidá de Madrid en que la tortura nun ye arte nin cultura, y encamentando al restu d'aficionaos a la tauromaquia que distrayan les sos miseries ensin mancar a otres especies.


viernes, 5 de marzo de 2010

¡GRACIAS A LOS CREADORES D'ESLEMA!

Gracias a los iguadores d'ESLEMA pol gran trabayu que realizanon, creo falar en nome de too asturianu bien nacíu; en nome de toos aque!!os que siempres quixenon escribir na so !!ingua materna, pero que nun sabíen o nun s'atrevienon a faelo. Nel mio casu, siempre lo emplegué, y dende va unos años n'INTERNET, específicamente, nos grupos nos que la mio amiga Sara Peláez, como creadora, convidóme a participar: Tinéu en Rede y Feisbukeiros de Tinéu. Ne!!os, salvo nos mios comentarios, siempre s'escribió en castellán y esporádicamente en amestáu. Alcuérdome que cuando conocí a Sara, al traviés d'un comentariu que fixo a ún de los mios poemes, añadió qué “cómo me gustaría saber asturianu al igual que tu”. Con esas, los creadores d'Eslema sírventelo en bandexa, a ti y los otros miembros de Tinéu en Rede y Feisbukeiros. El mio enfotu ye qu'agora entaméis a utilizalo vosotros. Polo que vi fugazmente –yá sabéis los que me conocéis que las mios conocencias d'informática son nulas, pos namái emplego la Rede para recueyer información, escribir y escuitar música– ESLEMA apurre una inmediata traducción al asturianu normativu, que creo toos vais entender. Nun-y pidáis, pos, al sistema afitar determinadas de las nuesas variantes occidentales; tampoco, que vos tresforme'l vuesu escritu nun testu lliterariu onde amieste figuras poéticas qu'esporpollen la so fermosura; nin siquier, un tonu d'humor d'una “Pimpirulada”; tou eso cuerri pola vuesa cuenta. De la mesma mena, lóxicamente, va apurrivos un alverbiu o una locución alverbial y nun vos va presentar opciones, éstas podréis escueyelas nas aportaciones sobro gramática que, dacuando en vez, voi incluyendo nel mio blog, nos apartaos de N’ASTURIANU. Fasta agora fui colingando los primeros (los alverbios); pero too s’andará. Sicasí, eiquí tenéisme por si soi quien a vos resolver dalguna dulda.

sábado, 27 de febrero de 2010

RAIGAÑU FONDU


Paso per Moure y La Era,
atravieso’l ríu Umbeiru,
dende L.lau a La Piñera,
onde L’Ubial ye regueiru.

A la Campa l’Arenal,
si dalgún día me peta,
fasta la Cruz del Toural,
que tan l.lindando a La Cueta.

Allégome so El Picón,
xunto al Picu ente los Cuernos,
a vegadas, a El Turrión,
esceuto pelos iviernos.

Quiciás, en cualquier mañana,
voi galguiando a Vil.lacín,
de secute a Vil.lamiana
que cuéyeme de camín.

Si de la que risca l’alba,
algamo Campu Sobráu,
crucio a traviés de Fontalba,
Valmoriscu queda’l l.lau.

¡Que guapa La Curculina!,
asitiada ente regueiros,
ye más guapa por brañina;
¡morrió la fayona d’Eiros!

La casería en San Fliz,
parientes en Ablaneda,
la moza en Vil.larpadrid
ya un pradín en Agoveda.

La mio vida, nesti sen,
tien un raigañu mui fondu,
dende Arganza a Pendusen
y al rodiu de San Fabondu.

Pindesierra