Lluis de Turiellos

Y un poeta orixinal, que ye una categoría a parte que dexa güelga propia nel camín de les lletres, que yá ye abondo. (Munches gracies, Lluis)

sábado, 24 de diciembre de 2011

Navídá con gaseosa


Navidá d'un mal quinqueniu,
tres casi un llustru de crisis,
emprobecen el conveniu,
desanicien l'alcoholisis.

Colinguen menos adornos,
mentanto apaguen bombilles,
desatápense sobornos,
dexándonos en toquilles.

Estrúyese’l nacimientu,
los reyes traen enguedeyos,
y aventen, hasta al xumentu,
carambelos a los güeyos.

Nun se canten villancicos,
yá que naide abre les puertes,
avézanse, los focicos,
a perspeutives inciertes.

Chisba ensin mercar regalos,
tola xente na caleya,
condiciónennos, los galos,
y la Merkel, taramiella.

Medra la prima de riesgu,
munchos prindaos pelos boches,
la bolsa decantia’l sesgu,
inmovilicen los coches.

Nun faltando quien te time
cualquier moneda aforrada,
los d'antes de la subprime,
agora nun nos tornen nada.

Aporfien en que xuguemos,
toos a la llotería,
sicasí, nun trabuquemos,
que nun ye ludopatía.

Nós pagamos el coríu,
nun dexen nin pal turrón,
vamos torgar el rutíu,
pero non la depresión.

Nun s’escaldiará’l mariscu,
vamos comer cacagüeses,
mientres se llibra nel riscu,
nos van papar les careses.

Mas, gociái, polos pequeños,
d'una Navidá prestosa,
nun espardáis los sos sueños,
y brindái con gaseosa.

viernes, 16 de diciembre de 2011

¡Qu'amarguriu!


Son les 5 la tarde, tres rapazos con pelo tortiella francesa pañen un collar del pescuezu una vieya. Los magüetos tienen otres carauterístiques, sicasí ta mal vistu falar d'ello. Naide de la contorna-y defende, y la paisana marcha alloriada. Voi cargáu como un burru y toi dalgo lloñe pa terciar no que pasó; amás, la muyer me reñe por tar de contino implicáu en engarradielles. Dalgo asemeyáu se repite davezu y los caminantes escuquen encarpazaos. Tornu pa casa ablucáu polo que yá ye una repunante costume; mentanto, alcuérdome de lu que dicía Franz Kafka al respeutu:

“Cuando unu sale a caminar de nueche per una cai, y un home, visible dende bien lloñe —porque la cai ye pindia y hai lluna llena—, cuerre escontra nós, nun lu detenemos, nin siquier si ye ruin y andrayáu, nin siquier si daquién cuerre detrás d'él glayando, dexámos-y pasar.

Porque ye de nueche, y nun ye culpa nuesa que la cai sía empinada y la lluna llena; amás, seique esos dos entamaron una cacería pa enredar, seique fuxen d'un terceru, seique'l primeru ye escorríu a pesar de la so inorancia, seique'l segundu quier matalu, y nun vamos ser cómplices del crime, seique nengunu de los dos sabe nada del otru, y diríxense corriendo cada unu pola so cuenta escontra la cama, seique son nocherniegos, seique'l primeru lleva armes...”

¡La cuenta!, cavilgo que siempres foi asina, que naide quier saber nada, que llueu fanfarriamos... ¡Qu’amarguriu!

jueves, 8 de diciembre de 2011

Namás que 7 ingresaos na proyeición de “Lu que'l vientu se llevó”


Esta tarde, y por mor del desaniciu de la publicidá en TVE, nun tuvieron qu’ingresar nos hospitales namái que 7 persones mientres la proyeición de “Lu que'l vientu se llevó”. D’esta mena, anguaño, foi quien a ver finar la película más xente que'l pasáu añu, nel qu’ingresaron una decena d’espectadores (7 homes y 3 femes) de los selce qu’acarretaren a urxencies.

lunes, 28 de noviembre de 2011

La tonada y las vaqueiras, Patrimoniu de la Universalidá


Tola prensa de güei espubliza que, dende ayeri, los mariachis y los fados son Patrimoniu de la Humanidá. De la mesma mena que nel añu 2010 asocediera col flamencu, a la UNESCO-y plaz qu’agora los sones de raigañu de México y Portugal seyan declaraos talamente.

Nesti sen, y col enfotu de que muncha xente s’amieste a esta andecha, güei, 28 de payares de 2011, porque asina me peta, amueso y declaro a la tonada asturiana y a las vaqueiras, “Patrimoniu de la Universalidá”. Yá ta. ¡Alón!

Robláu: Pindesierra

martes, 22 de noviembre de 2011

Enredando na Voz



Enredando na Voz / Güei, 22 de payares

“La derecha perdería peso si los comicios fuesen autonómicos...”

¡Miániques!, a los que tean más gordos-yos vendría munchu bien.


“Fuentes de la Casa del Rey han explicado que Don Juan Carlos se ha golpeado esta mañana accidentalmente con una puerta que él iba a abrir cuando, desde el otro lado, un ayudante ha abierto para franquearle el paso...”

¡Coime!, entós ¿qué ye?, ¿qué l' ayudante, en llugar d'echa-y un gabitu, metió-ylu pel güeyu?


“Carla Nash sufrió en 2009 el ataque de un chimpancé que le desfiguró la cara...”
Hai que tener munchu cudiáu colos monos por culpa de que son los animales más asemeyaos a nós.


domingo, 20 de noviembre de 2011

¿Sabes el cuentu la Bona Pipa?


—¿Sabes el cuentu la Bona Pipa?
—¡Non!
—Yo nun te digo nin sí, nin non, dígote ¿qué si sabes el cuentu la Bona Pipa?
—¡Sí!
—Yo nun te digo nin sí, nin non, dígote ¿qué si sabes el cuentu la Bona Pipa?...

—¿Sabes el cuentu les Eleiciones?
—¡Non!
—Yo nun te digo nin sí, nin non, dígote ¿qué si sabes el cuentu les Eleiciones?, ¿y el de Belén Esteban?
—¡Si, ve a tomar pel culu!

viernes, 11 de noviembre de 2011

NA PRENSA DE GÜEI


FAZA 20 / 20 MINUTOS
VIENRES 11 DE PAYARES DE 2011

¿Bien d'Interés Cultural?

Ayeri, día 10 de payares, lleo con
plasmu nel so diariu:

«(...) Rajoy dixo ayeri n'Antena 3
que va faer tou lo posible pa intentar
qu'haya toros n'España. Abarcada Cataluña».

Créanme que razono la necesidá d'un cambéu
(cavilgo que l’esfrecimientu
de les pensiones y otres midíes
supunxeron l’enterramientu eleutoral del PSOE);
sicasí, nun voi votar a un partíu nel que'l so
máximu dirixente fai estes declaraciones y
nel que la presidenta de la Comunidá de Madrid
llantó a esi repunante espectáculu
la calificación de Bien d'Interés Cultural.

La tortura nun ye arte nin cultura, nun se sofita,
nin siquier s’alderica –por inmoral–;
desaníciase, de la mesma qu'Italia estremó otros
sanguíneos entretenimientos, que tamién
yeren de raigañu, como l’amarrada de
gladiadores o'l refundiar cristianos a los lleones.
Esta torga tendrá de fincase ensin esceiciones:
el Toru la Vega, los gües “embolaos” y,
talamente, los “correbous”; nun caltengamos
la demagoxa col martiriu los animales.

Xosé Rodríguez

miércoles, 2 de noviembre de 2011

¡VAN CAMUDAR EL NOME A FRENANDO ALONSO!


Fontes averaes a Ferrari camienten que, por culpa de nun atopar daqué que faiga furrular meyor el so bólidu, l'añu qu’entra van camudar el nome de Frenando Alonso a Celerando Alonso.

Nesa escudería cavilguen que pol efeutu sicolóxicu van ser quien a ganar cuasique mediu segundu per vuelta.

jueves, 27 de octubre de 2011

ARDIÓ VALLEDOR













El fuego abrasador es provocado,
es la llama que arrasa el occidente,
el miedo que se instala en tanta gente,
un drama cada año reiterado.

Calcinan Valledor y su legado,
soporta el campesino diligente:
secuela y egoísmo del demente
que en bruno torna el verde Principado.

Queman casa y escuela en San Martín,
arruina el etnográfico museo,
las flamas se vislumbran en Morcín,

en Cangas, en Miranda y en Tineo.
Castigo al responsable y pronto fin,
que nunca se repita es mi deseo.

lunes, 24 de octubre de 2011

¿A QUIEN CREYER?


“El viaje en tren Madrid-Asturias, de tres horas desde finales de 2012, asegura Blanco (LNE, 24.10.2011)”

LA VARIANTE PAYARES RETRASA’L RAMU FASTA 2014

...la Direición Xeneral de Grandes Proyeutos del ADIF preve que la Variante entre en serviciu en 2014, cuando fasta agora embaraxábase qu'esto asocedería a lo caberu de 2012 o, a más tardar, nel primer semestre de 2013. Otres fontes ferroviaries cavilgen que 2014 ye una previsión enforma optimista y que fasta 2015, como pocu, nun va tar rematáu tol trayeutu dende Madrid fasta La Pola L.lena.

... Si nun se retrasara l’alcuerdu de la catenaria, la Variante podría tar finada con toles sos instalaciones a lo llargo de 2013. Pero nun taría dafechu operativa fasta 2014 ó 2015 por culpa de qu'enantes de la so entrada en serviciu ye precisu realizar prebes de velocidá, d'homologación, de desocupación y otres relatives a la seguridá. Un procesu que nel casu de los furacos de Guadarrama, na llinia de Madrid, algamó l’añu.
(LNE 31.7.2011)

¿A quien creyer...?

lunes, 17 de octubre de 2011

BENDITU AVELINO


Recién espublizáu “Aventaos” ya’l rodiu colo ei!!í tratáu, surtiera la selmana pasada en CAMÍN http://www.rtpa.es/video:Camín%20_551318117532.html, dempués de Xosé ya los sos güeis de las Llongas, Avelino del Faedal (el pá de la mio amiga Carulina), que, tras mediu sieglu nos Madriles, tornara a la sua braña —a la qu’enxamás escaeciera—. ¡Sollertes al cuentu de la Brañina!

Avelino y Carolina
dexanon la capital,
e!!a foi pala marina
ya él tornó pal Faedal.

Asina, cuando y-pete,
nos requexos de la braña,
la gaita ou’l clarinete
va tocar con bona maña.

Anguañu sintiera Ambás,
d’esti paisanu tan tienru,
entós, coló pa Muñás,
yá que tamién toca’l xenru.

De la que vieno al Boláu,
seique pa grabar Camín,
dexó-y abondo ablucáu,
la capie!!a’l Carbayín.

Las soleyas de pecá
ya esos sones tan candiales
amuesen na TPA
estos verdes andurbiales.

¡Viva esa guapa fasteira
y Avelino por mundial!,
¡puxa la xente vaqueira
ya’l pueblín del Faedal!

jueves, 6 de octubre de 2011

AVENTAOS


¿Nun vos decatarais qu'hai xente qu’anda tresvolada caleyando peles villes y ciudaes? Son paisanos que surtieron abenayá de la so aldega col enfotu d’espoxigar o por cenciella necesidá. Dempués, toparon un amu o un comerciu y trabayaron pa él; mentanto, afogaben nel fumu de la nueva redolada. Asina, escoyeron una esclavitú en crisis na qu'amurnien los díes, atropen los años y avieyen la cadarma. De la que se retiren, canoxos y engurriaos, tornen a la casería de la so parentela y, de secute, agüeyen que yá son estraños nel so ñeru. Ceo, muerren entrugándose si mereció la pena camudar la vida nel so terrén pol garapiellu d’euros que caltiénense na cuenta'l bancu. Aina, el cartelu de la funeraria espeta y amiesta otru par de grapes ferruñoses. Nel intre, los regatos esbarien llárimes de los cuetos y brañes pelos papiellos de les vallines.

lunes, 26 de septiembre de 2011

EN APOYO DE BÁRCENA Y OBONA


S.O.S. BÁRCENA y OBONA

Aunque en Madrid se reclama
y en Asturias se pregona,
ignoran esta proclama
por Bárcena y por Obona.

Apuramos la paciencia,
rogándole al Principado,
una solución de urgencia,
colaborando el Estado.

Son sendos dramas muy serios,
¡qué convoquen un Concilio!,
se hunden los monasterios,
y no apuntala el auxilio.

¡Qué interceda San Miguel
y también Santa María!,
si es que patrocina él,
ella lo hará cualquier día.

Los claustros benedictinos
no son enclaves malditos,
concluyan los desatinos
y atiendan a nuestros gritos.

Lo exponemos a la cara,
tanto Camino Interior,
como Pindesierra y Sara:
¡Emprendan “ya” la labor!

La cultura secular,
en ruina por la desidia,
venga un proyecto ejemplar,
arrinconad la perfidia.

El que suscribe lo exige,
todo Tineo lo entona,
un mensaje a aquel que rige:
“Salvad Bárcena y Obona”

viernes, 23 de septiembre de 2011

El CERN PON EN DULDA LA TEORÍA DE LA RELATIVIDÁ


“Un esperimentu del Gran Colisionador d'Hadrones (LHC), denomináu 'OPERA', onde participen 160 investigadores de 11 países, punxo en dulda la Teoría de la Relatividá d'Einstein, qu'establez que nun hai namás rápida que la lluz...” (LNE 23.9)

Yá cuntaba yo fai cuantayá que mio muyer garrábameles enantes que furrula la mesma fuercia llétrica.

jueves, 15 de septiembre de 2011

FUTURU PLATU DISEÑU



Güei pudimos cucar na televisión como cada vez ye más frecuente que munchos restoranes ufierten mediu menú, de magar que trabayadores y retiraos tan quedando ensin faltriquera. De la mesma, abonden los que xinten sobro bancos de cais y paseos de Madrid y otres ciudaes. Como xubieron anguaño dos vegaes el recibu la lluz (una más del 10 %), el gas, el tresporte, la comunidá y esponencialmente les tases, mentanto conxelen les pensiones y salarios —porque yá se sabe que la crisis deben pagala aquellos que nun la iguaron—, ye probable que nel futuru cavilguen qu'alimentemos con platos de diseñu como'l de la imaxe.

jueves, 8 de septiembre de 2011

GANGAS del ESCAÑU


Qué bien duermo nel mio escañu
tolos días una siesta,
mes a mes, añu tras añu,
días de !!abor o fiesta.

Antes de l’atapecida,
pa reposar de la xera,
cola cadarma rindida,
poso l’arca na madera.

De la que quedo inconsciente,
estiráu como una rana,
trespando pal occidente
de la mio tierra asturiana.

Esnalo la Sierra Loxa,
en xubiendo d'Argancinas,
ya col arume de troxa,
allégome fasta Ondinas.

D’eiquí voi a Couce!!ín,
travesando Sanguñéu,
baxo a Puela de camín,
que ta a la vera Tinéu.

De secute, anicio'l vuelu,
entaino al partíu Sierra,
na derecha dexo El Puelu,
pela manzorga, La Cerra.

Tengo falar a una fema,
que presta da-y al rabil,
ente San Pedru Culiema
ya’l !!ugarín de Vecil.

Al poucu de colar e!!a,
voi despertar a Valcáu,
tras rondar pela Veiguie!!a,
col mio sueñu esperezáu.

Asocede tolos días,
viaxo a Tinéu ya Cangas,
ensin pagar autovías,
son, del mio escañu, las gangas.

miércoles, 31 de agosto de 2011

QUEISOS D'AMBÁS


Nel mercáu de Grau, inda nun fai tantu tiempu, las paisanas vendían el queisu d’Afuega’l Pitu. Güei caltiénse la venta de productos de güerta y casería per aciu de particulares, sicasí esi sabrosu queisu cuasique namái lu amuesa Ca Sancho, la quesería artesana d’Ambás. Cualquiera, ensin saber que’l guapu pueblín d’Ambás esiste, cavilgaría que’l comerciu ye del afamiáu músicu, etnógrafu ya presentador de Camín de Cantares, ya la verdá que nun trabucaría yá que Xosé Antón garró’l nomatu de la so parroquia, onde ta la quesería que ye de la so parentela. De la que xubía a la Tambaisna y Fosdelayegua, nel Marabiu, paré n’Ambás ya falé con dalgunos vecinos. Al outru día, per casualidá, alcontré al pá de Xosé en Grau ya tamién tuvi falando con él. Presta a mamplén conocer a xente tan candial como esti paisanu. Amás, aprovecho pa porfiar nas gracias pol par de queisos que me regalara ya esclarar que puen mercase los domingos nel mercáu de Grau, nel puestu de doña Filomena o nel mesmu perguapu !!ugarín d’Ambás au merez la pena allegase. ¡Bon provechu!

martes, 23 de agosto de 2011

Gardel


Confieso que nun escucho la radio, de la mesma mena que presumo de nun ver la televisión. Lo cierto ye que, cuando nacía ensin clarixes aquel primer miércoles d'agostu, coneuté'l mio vieyu transistor Cadox rescatáu del escaezu y lo primero que sentí, con evidente perplexidá, foi la voz del mio propiu primu al traviés de les ondes. Tengo alvertir qu'esti familiar nun ye llocutor nin profesional de la radiodifusión. Aconceyaba nun documental monográficu sobre Carlos Gardel en calidá de recopilador. Los sos comentarios amestáronse colos d'otros menos espertos en la tema y, como non, colos cantares del Maestru. De xacíu, nun faltó “Por una cabeza”, la preferida'l mio fíu. La maxa de la nueche y los mios recién y amenorgaos estudios de solféu procuráronme alteriar la perspeutiva sol tangu. Gardel, nun canta con voz aterciopelada, ye'l terciopelu y la mesma seda nel timbre. El xiru los vieyos discos, seique al igual que cualesquier otra perantigua danza circular ya iniciática, consentía la so audición cuayando una particular ablucada. Los grillos, por cenciella cortesía, dexaron de resgar el silenciu y la sotileza la nueche —orbayara la cabera xornada— amosaba un fondu encantamientu. Gardel nun ye un artista de cine, como quedó claru nesi documental; naide-y rica pos una xenial interpretación nes sos películes. Gardel ye la camudancia maraviyosa ya increíble de la so espresión oral nun xeitu propiu y mundial. Gardel ye la voz eterna y el magu del tangu.

Pa finar, déxenme faer dos aclaraciones que se m'abulten innecesaries, túvi-yos falando en presente porque l'inmortal francu-arxentín vive, namái fuelga'l so cuerpu y, de segundes, constatar que'l mio pariente, Menel Llanos, nun ye recopilador de Gardel sinón “el” recopilador de Gardel.

miércoles, 27 de julio de 2011

ACORDANZAS DEL PASÁU


Mentanto nel norte esfrutaben de la fresca, la tarde de xunetu en Madrid arroxaba las cadarmas. Busqué reposu nun bancu del parque a la solombra d'unos pláganos. N’aque!!a soledá recordé los mios años de nenu a la vera del Narcea. Una vieya que cubría’l so pelo con un pañuelu como cualquier paisana del occidente d’Asturias apaeció de sutaque frayando’l silenciu colas sos risadas. Asomando namái que dos dientes de la so bocona, entrugóme: ¿Prestaríate tar ei!!í? Aína ya ensin cavilgar el porqué me preguntaba, retruqué-y: Yá lu creo. De sutrucu ya como por ensalmu m'alcontré n’Argancinas, de cote al chigre d’Eladio. ¡Miánicas!, nun yera a creelu; sicasí, a causa de la gayola, púnxime a galguiar contra Uviéu. Seique nun paré fasta Santu Erdianu, au'l banzáu inda nun somorguiaba las caserías. Entré nel chigre y, al cabu, una punta espetaba unos recibos na paré. Tomé una soleya col móvil del fíu qu'arrequexaba nel bolsu ya’l flasch empobinóme, de nuevu, al bancu del parque. Taba bramente ablucáu de la que sintiera la risa la vieya que colaba volao. Torné pa casa como una pantasma ya nun falé d’aque!!o cola mio parentela. Güei, el mio fíu amosóme la foto l'entamu que topara nel so teléfanu, aldericando al empar: ¿Qué ye esto pá?

martes, 19 de julio de 2011

APORFIO Y ANECIO


«Cascos debería utilizar el asturiano, al menos, en algún momento»
La presidenta de la Academia de la Llingua Asturiana. Valora para LA VOZ el discurso asturianista de Cascos. (La Voz d'Asturias, 19 xuliu)


·32Pindesierra 19.07.2011 - 23:42h
EL QUE NUN FALA ASTURIANU YE PORQUE...


1. DA-Y VERGOÑA...

ENTÓNCENES ¿PA QUE LU FALES, CUANDO LU FALES DE COÑA?


2. PREFIER ESTUDIAR L'INGLÉS...

¿NUN YES DEPRENDER LOS DOS? SEIQUE EMPLEGUES LOS DOS PIES.


3. EL BABLE NUN VAL PA NADA...

QUIEN A TOU PON UN PRECIU, TIEN LA SO VIDA TASADA.

.../...
0 | Positivo | Negativo


·33Pindesierra 19.07.2011 - 23:44h
.../...

4. YE ALDEANU...

YE LA LLINGUA DE NOS, DE LA VILLA, Y DEL PAISANU.


5. YE DE XENTE DE MANZORGA...

TU YES EL QUE PON LA LLINDE, TU YES EL QUE PON LA TORGA.


6. TA MUI APURÁU...

EL QU'AFUÉGASE NUN VASU, NUN TA APURÁU, TA AFATÁU.


7. VIENO DE LLOÑE Y NUN L’IMPORTA UNA XIPLA

L’AYÉN, NEL NUESU RAIGAÑU, NUN CACIPLA.


¿QUÉ YE LO QUE TU FAES?

(DIGLOSIA: Billingüismu desequilibráu. Cuando una llingua se-y da un tratu inferior y los sos falantes nun gocen d'iguales oportunidaes d'usu social que cuando empleguen la otra llingua.)

PINDESIERRA

domingo, 17 de julio de 2011

El Centro Comercial


La urbanización es como un pueblo de parcelas, donde casas y propietarios se ocultan tras alambradas y arizónicas. Los perros desgarran su silencio y el olor de las chuletas compite con el aroma de los jazmines. Hay mozalbetes motorizados que rivalizan el espacio con los paseantes crónicos. Se atisban algunas huertas de desertores rurales en donde el tomate alcanza costes desorbitados. Un gallo canta, cacarea o clama la que le espera. Varios foráneos imponen el desatinado volumen de la música de su pueblo. Otros se refugian de la escandalera tras el recogimiento de sus reforzadas cristaleras. Todos sobrellevan el tiempo y las vicisitudes.

El centro comercial es también el centro neurálgico de la urbanización; allí, los comercios dan servicio, los bancos niegan créditos y los bares procuran bullicio. Es la plaza mayor del pueblo de parcelas. Por las mañanas, se compra en sus tiendas y se almuerza en las terrazas. Se respira un aire selecto con señoras ataviadas a la última. Rebotan las miradas y los comentarios. El periódico de la churrería se rifa entre los parroquianos. Los perros y las bicicletas quedan aparcados en el exterior por imposición legal. En los vidrios de una de las entradas se anuncia un mercadillo y un bando del ayuntamiento anticipa un nuevo azote. Los transeúntes a veces se ignoran y otras se saludan efusivamente al encontrarse de frente. Una dama madurada taconea el empedrado bajo su pamela al tiempo que ocultan sus arrugas unas panorámicas gafas de sol. El cachas publicita el supuesto efecto de su gimnasio con sus consecuentes músculos de équidos comprimidos. Cada cual presume lo que puede y esconde lo que le parece. El centro comercial es como un monumental teatro que por las noches modifica radicalmente el decorado. Aparecen los vándalos del Norte, del Sur, del Este y del Oeste. Los jóvenes ejemplares se sintetizan en lo segundo y se adueñan del entorno. Cabalgan el área, exhiben su descontento y cocean lo que se presenta al paso. Ingieren alcohol en múltiples formatos, se revuelcan por el parterre y fuman cualquier vegetal en picadura. Berrean el reclamo a sus hembras y la percusión del último éxito de su tribu, después vomitan la intolerancia de sus hígados. Siembran sus jaquecas matinales, recolectan influencias y su juventud les exime, en otra ocasión, del coma etílico.

El centro comercial, en su conjunto, se despliega como un escaparate de modelos, facetas y miserias de la circunscripción, mostrándose como prototipo de nuestra sociedad actual.

Marisol, agradeciendo tu felicitación, te dedico mi último apunte en castellano. Enhorabuena por el libro y thank you for Dreamin, me ha encantado.

miércoles, 13 de julio de 2011

ACORICAR EL NUESU PATRIMONIU


Una voladura de la autovía en Vidiago deja al descubierto una espectacular cueva (LNE, 13 xunetu 2011)

Debemos caltener y acoricar el nuesu patrimoniu natural y, poro, esta cueva que tien inclusive dalgo más antigüedá que les obres de les autovíes del Cantábricu y La Espina.

domingo, 10 de julio de 2011

¡NUN VOI BEBER D’ESA AGUA!


Abultábame qu’enxamás furaría un piercing la mio pelleya ya surto del hospital con una decena nel banduyu, asina que naide diga d’esta agua nun voi beber. D’outra/otra mena, yá qu’escapé de secute y aina de la que me sacaren la “visícula”, nun cavilgái que foi por paecer más gayu, non, ye que colé namái desafitara los morriyos que m'andaben cafiando; poro, perdonái los parientes y/ya collacios que nun me toparon ellí/ei!!í nin en casa. Perdonái tamién los que me riñestis por nun parar quietu dempués. Mesmamente, perdona Tareisa por esmolecete y enfocicate, entós, al ser tan repunante. Nun te quito la razón por colingar el teléfanu.

Pa finar, apurrir munches gracies (muitas gracias) a toos pol vuesu procuru.

miércoles, 6 de julio de 2011

CUATRO CUARTOS


Cuatro cuartos tien Tinéu,
nel cuartu del mesmo nome,
la moza vive d’abéu;
de folixa, vive l’home.

Segundu’l Cuartu los Va!!es,
va!!es vaqueiros del oru,
onde’l ríu Esva raye
ya'l foriatu queda xoru.

Dempués el Cuartu Mirayu,
Fanfaraón, Mu!!eirosu;
pelegrín de tayu en mayu,
en cuerpu y ánima’l posu.

Pa finar, el de la Riera,
como una punta de flecha;
la Fana france pedrera
ya'l Narcea saca secha.

Cuatro cuartos tien Tinéu,
¡maraviyosu tapiz!;
crucia’l camín xacobéu
pela parroquia San Fliz.

lunes, 20 de junio de 2011

Hai que tar preparáu






De la que merca la muyer, quedo afitáu nel escañu d'un centru de muebles nordés sorbiendo un capiechinu o escribayando dalguna caxigalina. Afáyome nesi requexu mentanto agüeyo la hora de Suecia o N. York nunos relós que colinguen d’una muria. Cavilgo que ye importante saber la hora que ye en Suecia o en N. York. Yá sé que vais aldericar que por qué. Aína voi retrucavos, ye que nun cayéis. Imaxinaivos que pasa una fema ya vos entruga:

—Señor, si vos plaz, sería quien a dicime la hora que ye en Suecia (o en N. York).

Entós, cucas con disimulu ya repostias de secute:

—Sí señora, son las dolce menos cuartu.

Ya quedes como un paisanu preparáu de verdá. ¿Daivos cuenta?

lunes, 6 de junio de 2011

CAMÍN DE BUSEIRU



Camín de Buseiru,
camín de la nada,
cayóse’l parreiru,
paró la mayada.

Carril de !!amuerga,
muria de ferrial,
l’estayu y monserga
muerren nel bardial.

La carondia fura
cola soledá,
pela corte escura,
ensin mocedá.

De la prieta mina,
ronda la povisa,
nin cava, ni abina,
nin medra la nisa.

Nin canta’l nerbatu,
nin s’oye un rapaz,
ni esparde’l buatu,
nin la pación naz.

Sólo la curuxa
anidia na muela,
ta faciendo duxa
al ferre que vuela.

Yá nun ta nel mapa,
namái na memoria,
fíncase la zapa,
acuta la coria.

Naide de Buseiru,
yá cala anque !!ueva,
si en mayu o xineiru,
chispia en Villanueva.

sábado, 28 de mayo de 2011

NUN YERA ÉL


Topéime nel Centru Asturianu de Madrid con un paisanu que l.levaba puesta una camiseta de Superman ya diba con un brazu encanáu, asina que púnxome a güevu entruga-y: ¿Qué ho, mancóse cola kriptonita? Magar que me decatara de que nun sabía de que-y falaba, marché ablucáu cola constancia de que nun yera'l verdaderu Superman.

lunes, 16 de mayo de 2011

¡VE A QUE TE FAIGAN UNA COLONOSCOPIA!


La vesícula biliar es un órgano que forma parte del aparato digestivo de todos los seres humanos y animales cuadrúpedos... (Wikipedia).

¿Daisvos cuenta los cuadrúpedos?

Seique, a fuercia de componer versos, surtiéranme piedres na “versícula”. Asina que, danme cólicos de lletres y allanzo idees que s’escaecen. D’esta miente, y como toi quedando mui ruin, mándanme prebes nel hospital y va haber una selmana, fixéronme una colonoscopia ente una mélica y dos enfermeres. D’entamu, mandáronme esnudar. Ys-entrugué qué si quitaba’l calzonciellu, a lu qu'una d’elles me retrucó: home, ¿como-y vamos a embocar la goma si nun lu quita?, y darréu echaron a rir. Dempués, punxi un mandilón que m’ufiertaron y surdí pala sala. Entós, preguntáronme peles calces. De secute, ys-alderiqué qué si yera una prenda verde que taba enriba la tayuela, cuntaba que yera un gorru. Aína, celebraron la biscatada más a gustu. De la que paró la comedia, allugáronme a la rebalguina nun xergón. Escapao, garráronme’l furabollos con una pinza y nel intre sentí que me trescalaben. Nuna pantalla que taba asitiada a la mio vera, anicié a ver imáxenes como de “Venti mil llegües de viaxe somarín” y camentaron que taba mui curiosu —anque de mozu yera mediu guapu, taba perclaru de que nun yera por min, sinón porque nun taba puercu l’estantín—. De reflundiu, entamó a mancame la faza’l pubis. Entóncenes, encamentóme la doctora que ciscara. A causa de tener más vergoña que ganes, de la que finara, y ensin ciscar, colé pa la mio casa cola empachadura d’aire. En tou casu, deprendí dalgo fino daquella pa refugar falar mal: cuando seya a cafiame daquién, VOI MANDA-Y A FACER UNA COLONOSCOPIA.

lunes, 9 de mayo de 2011

LAFU, EL JAZZ N'ASTURIES


Xandro Lafuente “Lafu” xuntu con Rebeca Velasco xestionen y dirixen la Escuela Municipal de Música de Grau. Siente la mestura del jazz cola música asturiana nesta perguapa páxina http://www.lafuyrebeca.net/escuchanos.asp

Amás, Lafu con dellos de los meyores músicos d’Asturies componen “Cuatro Perros” un grupu de jazz fusión d’abonda calidá. Val d’amuesa’l so discu: El Cementeriu d’Elefantes. Fai tan sólo unos díes —na Selmana Santa—, finara’l so primer taller de música moderna y jazz, asina como un aula de jazz pa neños nel auditoriu de Grau. ¡Nun lu escaecer pa otros años!

viernes, 29 de abril de 2011

Torna la guerra de llendes con Galicia


Ayande reabre'l contenciosu territorial con Negueira de Muñiz pola invasión de los sos montes (La Voz d’Asturies, güei, 29 d’abril).

10 Pindesierra 29.04.2011 - 20:43h

Bon amigu cazurrín,
por Oseya y Valdeón,
voi contate esti cuentín,
escontra la to opinión.

Dende l'Esla hasta’l Cantábricu,
s'afincaron los astures,
cuasi que dende’l Cretácicu,
asina que nun sulfures.

Agora, pal del entamu:
dende Suarna a Santillana
—con esta fras pongo’l ramu—
¡puxa la tierra asturiana!

domingo, 24 de abril de 2011

¡Cómo los nenos!


Conozo un paisanu en Madrid que ta mancándose de contino, magar que la muyer y-riña de cutiu. Habrá un añu, pegó una testada nun sobráu de Grau; dempués, cayó d’una zreizal fendiendo na caniya yá tuvieron que cosica-y dolce puntos; llueu, esbarrumbó una barrera’l metru furacando una rodiya ya, agora, fisgando nun molín, atizó un morrazu na frente col caborniu una corrada.

Nesti caberu llugar el conceyu punxo esti cartelu:

TIEN QUE LU SABER LA XENTE,
CONTRA ESTA CORRADA PERRA,
TOPÓ’L PROBE PINDESIERRA
Y FENDIERA LA SO FRENTE.


Hai xente que ye como los nenos, nun tien igua.

martes, 5 de abril de 2011

ACORDANZAS DEL FUTURU


El trayecto entre Oviedo y Madrid será de 3 horas en 2013, según Trevín.

( LNE, 5 d’abril de 2011)


El trayeutu ente Uviéu ya Madrid va ser de 3 horas nel 2017, según Trevín.

Uviéu, 5 d’abril de 2013

miércoles, 23 de marzo de 2011

¡NON A CUALESQUIER GUERRA!


Esto de les guerres ye la hostia. Tu nun puedes solmena-y una mocada a daquién que t'ande cafiando; tienes que denunciar, dir a los xulgaos, contratar un lletráu y amosar dalgo que sabes que ye verdá. De la que pasen los años, munches vegaes, seique quedes como tabes, pero con menos cuartos. Agora que, si tan embredando una nación, puen unviar aviones, barcos y somarinos pa bombardiar un país y ensin pasar pela Audiencia.

Camienten qu'España entró nuna guerra contra’l cabezaleru Libia, col que fai unos díes diba’l nuesu de la mano, ¡nel nome de toos!. Pétame aldericar que nel mio nome ¡NON!; d’otra miente, voi amestar un glayíu: ¡NON A CUALESQUIER GUERRA!

miércoles, 2 de marzo de 2011

Adiós Vital


Adiós ríu Xinestaza,
adiós Picu Brañasín,
nun voi tornar a esa faza,
finxada nel mio maxín.

L.lora'l regueiru Solanos,
el Castru ya la Brañueta,
alcordanzas de los branos,
na solombra de La Mueta.

Berra’l Cuartu la Riera,
Tourayu ya Espinaréu,
Las Campas ya La Piñera,
amargurando Tinéu.

Morrió’l mio amigu Vital,
con esti mes de febreiru,
cerca de la capital
ya llonxe del castañeiru.

D'Asturias, Madrid y Soria,
cuentos ya caxigalinas,
nel mio cantu la memoria,
espetanon como pinas.

Déxasme abonda tristura,
anque nengún escaezu,
pos recuerdos en bayura,
m'acompañarán, davezu.

Viniesti de Ponte Castru
pal pandu Nuevu Baztán,
nel camín, siento’l to rastru,
ando ablucáu ya rabián.

lunes, 28 de febrero de 2011

UN BANCU SEGURU


Tuvi un tiempu trabayando nun bancu tan seguru que los lladrones marchaben cafiaos sobre manera ya ensin poder robar, yá que’l direutor dexaba la caxa fuerte trancada ya escaecía las !!aves dientro.

domingo, 13 de febrero de 2011

¿A QUIÉN-Y PRESTA...?


¿A quién-y presta un poema
que seya valoratible,
sacante dalguna fema
y acaso, un home sensible?

¿A quién-y peta esnalar,
esbariando col maxín,
dende’l cordal a la mar,
dende l’entamu a la fin?

¿A quién-y gusta sentir,
columbrando l’alborada,
ensin los güeyos buyir,
antroxar cola clariada?

¿Morrerá yá lo candial?,
¿encetará por duviesu?,
¿nos empozará’l ferrial?,
¿nun atalantará’l sesu?

Aína, cola l’andolina
que'l ñeru punxo na corte;
somorguiando na nublina,
escaecemos el Norte.

Naide estimará l’amor,
ablucáu con tanta bulla,
si l’arume ye fedor
y la pallabra, farfulla.

¿A quién prestará un poema,
ensin sensibilidá,
sin maestru que la sema,
nin alluendi, nin pecá?

jueves, 3 de febrero de 2011

SUS PADRES NO SE QUERÍAN


Nunca pudo ser un niño,
pues cuando tuvo esa edad,
adoleció de cariño
y le sobró soledad.

Sus padres no se querían,
ya antes de que él naciera,
aunque juntos residían,
el amor ya feneciera.

Se acomodó la bebida,
se guardaba la apariencia,
con la ternura perdida,
abundó la incoherencia.

Los frecuentes malos tratos,
lo imposible del pretexto,
inútiles alegatos,
inalterable el contexto.

Inadmisible el escape
en tiempos de dictadura,
leías a Zipi y Zape
y te confesaba el cura.

Entre llantos y dolor,
la esporádica denuncia,
que gana el maltratador,
que pierde quien la pronuncia.

Mientras, resiste el chaval
esa deleznable inquina,
se cobija en el portal
o en casa de una vecina.

La mujer sufrió el desdén
y la injusta intolerancia;
soportó el crío, también,
del mismo modo, la infancia.

Nadie justifique aquello,
por ruin, cruel e indignante
no fue el único atropello
de una mujer y un infante.

Un relato de machismo,
repetido y tolerado,
qué conozca el feminismo
experiencias del pasado.

Ana y Marisol: De acuerdo con vuestra petición, aquí os transcribo mi ejercicio condicionado por la elección de Isabel. ¡Ánimo con el próximo vuestro, que lo estáis haciendo muy bien!

lunes, 31 de enero de 2011

ALCUERDU NA TORTURA LOS GÜES


“PSOE y PP de Samartín del Rei Aurelio, refugaron colos sos votos nel plenu‘l Conceyu, la moción presentada pol grupu municipal d'IX-BA contra'l maltratu animal nes corríes...”

El PP y el PSOE namái pónense d'alcuerdu en almitir el maltratu de los probes gües.

Enxamás yos-daré’l mio votu, mentanto nun camuden la so aptitú.

miércoles, 26 de enero de 2011

Nun pasa nada


Millones de pensionistes y trabayadores tan conxelaos o nel paru, y nun pasa nada.

Baxa’l preciu les viviendes y xuben l’IBI una burricada tolos años, y nun pasa nada.

Xuben la lluz, l’agua, el gas, l’esquistu, los tresportes, les igües, la comunidá, les autovíes, les tases, l’almuerzu..., y nun pasa nada.

Caltiénense los muérganos asegundaos de gobiernu, les xarrés oficiales, los viaxes, les tarxetes, les dietes, los regalos, les sos pensiones —a partir de los 7 años d’avíu—, los complementos, les dobles xeres..., y nun pasa nada.

Naide de los qu’arriquecieron na dómina d’esporpolle cola burbuya torna agora un res, nin quier perder un plizcu, y nun pasa nada.

Nengún país de los qu’enanties sofitáramos echa un gabitu, y nun pasa nada.

Mándante que nun empobines el fumu canceríxenu al collaciu que ta nel bar na to vera y, darréu, ármase la de Dios. ¡Cómo tien que ser!

lunes, 17 de enero de 2011

DEPRENDI ASTURIANU


ALVERBIOS DE NEGACIÓN

Non, nun, siquiera, tampoco, etc.

ALVERBIOS DE DUBIA

Quiciabes – quiciás, igual, seique, pémeque, pueque, acaso, guapamente, etc.

ALVERBIOS DE XUNTURA

Amás, asina, entós, tamién, tampoco, poro, sicasí, mesmamente, ensin embargo, etc.

domingo, 9 de enero de 2011

La pareja del momento


Hace ya tanto tiempo que el cuatro se repite al datar los años acontecidos. Correspondía el Sacramento en Cabanas, de donde era la moza de la pareja del momento. Ella era tan agraciada y tan alegre que todo el mundo la miraba; en tanto que de él, me reservaré la opinión que me causaba. Se les veía por todas las fiestas de los pueblos y aldeas del concejo, y parecían saber bailar todas las piezas que interpretaban las respectivas orquestas. La misa se celebró en San Félix y quiso el azar ubicar a mi lado a aquella joven en la improvisada procesión que iba a circundar la iglesia. La acompañé con mi silencio, mis observaciones de reojo, mis 13 años y mis 14 vergüenzas. Ella debía de rondar los 17 de desparpajo y se me antojaba inaccesible. De repente, el cura ordenó la temida genuflexión y se fue consumando el sacrificio de doblegar las artrosis sobre la tierra y de desgraciar medias de estreno entre fastidios mal disimulados. Yo mancillé el pantalón de un traje azul que constataba muchas jornadas de sudor de mis progenitores. Así, la mañana fue transcurriendo entre máculas, rezos, reverencias, chismes y voladores.

La noche comenzó a engullir a una tarde que se iba desvaneciendo inexorablemente. Para entonces ya había terminado de embadurnar cumplidamente el traje azul, atendiendo al compromiso inexcusable de jugar un partido de fútbol, invitado por los hijos del caminero. Desde la carretera vislumbrábamos, en la hondonada, un luminoso tendal del que pendían una docena de tenues bombillas que desvelaban la ubicación del festejo. La música guió nuestro descenso a través del lóbrego e inclinado camino. Después de varios minutos y de empolvar profusamente zapatos y pulmones, nuestra pandilla de mocosos se unió a la velada. La pareja del momento ya amenizaba el ambiente, arropada por los parroquianos del improvisado chigre y por los que “tenían” por las paredes.

Aquel verano advertí en reiteradas ocasiones a la celebre pareja en otras tantas festividades entre remachadas carcajadas, fisgoneos de los asistentes y alguna que otra sidra. Hoy, tras acomodarse, impertérritas, múltiples canas y rugosidades en todos los que vivimos aquellos momentos, tengo la completa seguridad de que, aunque ya ejerciendo de mujer madura, aquella muchacha conserva el insultante encanto de su sonrisa.

(Pindesierra / relatos)

lunes, 3 de enero de 2011

¡Bon 2011!


Cuartu añu de la crisis,
nesta cuarta Navidá,
que nun s’amieste la tisis,
amás de calamidá.

Sintiéramos dellos sones
emponderando esi día
acabamos los turrones,
escosó la llotería.

Colos carros apinaos,
pelos centros comerciales,
andábamos ablucaos,
escaecimos los males.

Aneciamos nos regalos,
coriamos los villancicos,
nun semeyen probes dalos,
toos paecemos ricos.

Menos na cena d'empresa,
seique ehí págase a escote,
cola secretaria tiesa,
y el pelota entá más zote

Encloyamos dolce uves,
güeyando televisión,
dalgunos finaron cubes
ente tanta esmolición.

¡Vos deseo un nuevu añu
llenu de prosperidá!,
¡qué nun cafie’l desengañu,
darréu de la Navidá!