Feliz 2015

     Esta selmana que finara, qu’anduviéremos per Asturies, foi bramente granible. Amás de ver a la parentela y a otros amigos de fora la Rede, foi enforma prestosu atopanos con bien dellos del Feisbuc y amás con dalgunos qu’aínda nun conocíamos personalmente como Raquel, Agustín,Nel Exposito y otros candiales amigos como los d'esta semeya: Juan Manuel,Yoli y Elvira.

     Agora, de la que yá tornamos pa la Villa y Corte, nun me queda namái que deseavos un bayurosu añu qu’entra a toos.

Felices fiestes

Yá tamos en Navidá

dende finales d'ochobre,

 manda la publicidá,

na cai, en comerciu, en sobre.

De bombilles, nun momentu,

cubrieron les nueses víes,

prendíes con vencimientu

 d'esos de noventa díes.

Vienden turrón y anacardos,

mazapán y polvorones,

 españen cien mil petardos,

pero non los sos caxones (sic).

La llotería a la venta

cuando la contribución,

tres la campaña de renta,

 ¡Son too diezmos, copón!

El pagar cola tarxeta

ye enredar con una bomba,

ufierten la pandereta,

pa que piques cola tromba.

 Ponse cuesta arriba’l pandu,

per avientu tas yá tiesu,

al que pide l'aguilandu

namái que-y das un besu.

Los reyes bien afayaos

en centros del Tayu Inglés,

qu’anden atarraquitaos

dende esti décimu mes. 

Na comida de la empresa,

el pelota, como un micu,

cuando aporten la contessa,

bailla y canta un villancicu.

Esi vecín del terceru,

que nomaron secretariu

y paña dalgún dineru,

te regala un calendariu.

Los procuros afanosos

s’apoderen del que manda,

de diputaos y faltosos,

y del restu de la banda.

Añu nuevu de sicosis,

adulces torna la bronca,

sufrimos metamorfosis,

seique como la xaronca.

Anque por tolos pequeños

caltenéi la compostura,

la Epifanía de suaños

trai xuguetes y cordura.

COLINGA LA CEBOLLONA

Amigos y collacios: colingái la cebollona na vuesa muria’l Feisbuc porque ella vos quier…

Quien bien te quier te fairá llorar.

La cebollona vos fai llorar.

De resultes, la cebollona vos quier.

FARSANTES

Agora tol mundiu escribe,

tol mundiu ye equí poeta,

l’afamáu lloa recibe

y escribe lu que-y peta.

Silenciu de la mirada,

requexu del corazón,

el mar de la marexada,

resquemu nel resquemón.

Lluna y cielu; cielu y lluna,

rellumen milenta estrelles,

rellumen de mala zuna,

col rellumar, esperteyes.

Caminando pel camín,

camín cubiertu de nieves,

alloriáu col so destín,

s’atopa con Blancanieves.

Riscando’l riscar del alba,

atapez nel finxu’l cielu,

nunca-y canta a una calva,

de borrina arrodia’l velu.

El so arume ye de rosa,

na so vera ye feliz,

la griespa de la so prosa,

aguiyonó-y la nariz.

Farsa, farsante, falsariu,

xuegos de maxa florales,

engañifa d'a diariu,

tanto tienes, tanto vales.

Aneciando nesa tema

y cola rimada ausente,

quedó iguáu’l so poema,

que premiara'l presidente.

Afalagu d’inorantes

qu’encumen al afamáu,

lu que’l clan de los farsantes

dexara recomendáu.

Gervasio

Mi vecino del primero,

el que se llama Gervasio,

baja siempre, el majadero,

en ascensor al gimnasio.

Después toma el autobús,

para una sola parada,

por si le da un patatús

por andar una burrada.

En el primer aparato,

hace bíceps media hora,

después, tríceps, un buen rato,

y las pesas, sin demora.

Por la tarde, bicicleta,

como la que tiene en casa,

ojeando alguna teta

y el culo de Nicolasa.

Otras veces, en la cinta,

donde le da por andar,

intercala alguna finta

y llega al mismo lugar.

Entre tanto personal,

siempre alguno ventosea,

la hormona huele fatal,

y el de la bici se apea.

A Honorina, que es muy fina,

le entró un día vomitera,

vomitando la cecina,

cecinando la espaldera.

Sin embargo, en el gimnasio,

los transforman en atletas,

el prototipo, Gervasio,

el ojeador de tetas.

LA TONADA

¿Quién m’afita l’escalada,

pa xubir darréu a la cueva,

p'a la Virxe una tonada,

canta-y del mio ciñu en preba?

                    (Tonada Pimpopular)

¡Oh, la tonada, el cantar

que canta a la mio Santina,

llantada nesi llugar

afamáu de la Tierrina!

¡Cantar del pueblu asturianu,

qu’en iviernu y primavera

canta serenu y ufanu

a esa Santina melguera!

¡Cantar d’esta tierra mía,

tierra de los mios amores,

que canta con allegría

colos mozos y mayores!

¡Oh, sí yes tu’l mio cantar!

¡Cantar d'orbayu y de tonga

que canto xunto al altar

acutáu en Cuadonga!

Más estopa

Lo cabero que m’espeten con respeuto al asturianu: “Esa mierda de leguaje…”

  

Voi faciéndome vieyu y entama uno a rindir de recibir tanta estopa. Namái que por dignidá, fala la to llingua.

El que tea interesáu que lu agüeye nos comentarios d’esti enllaz del feisbuc

llantaos con respeutu a esti poema: http://pindesierra.blogspot.com.es/2014/02/moza-asturiana.html

https://www.facebook.com/groups/324838497622023/606309422808261/?comment_id=606546319451238&notif_t=like

• • Manuel Angel Titi Ortega José Rodríguez Pérez Pindesierra: De asturiano a asturiano... ¿dDnde cojones sacas ese leguaje que quieres hacer creer que se habla en Asturias? Siento verguenza cada vez que lo léo o escucho en la TV. Esa mierda de leguaje que no existe ni existió en ningun lugar de Asturias... ni del Mundo. ¡A ver si dejais de hacer el ridículo! ¿O eres de los que cobran del presupuesto asturiano defendiendo y metiendo por los ojos lo indefendible? ¡Preocuparos por los reales problemas de Asturias; que los demás ya hablaremos como nos dé la gana... ¿No sois vosotros los que defendeis la libertad? ¿O nos quereis hacer jiliollas a los asturianos?

    6 h · Me gusta · 1
  • 

    José Rodríguez Pérez Pindesierra Manuel, ignoro que pintas tú en una página de cultura. Confío en que los administradores te excluyan debido a tus exabruptos y malas formas. En Asturias, se habla el asturiano en sus diversas variantes desde hace ya un milenio. Tu desconocimiento no te da derecho a tildarlo de mierda, lo cual te descalifica. Barrunto que nada tienes que ver con Asturias —lo digo por tus apellidos— ,salvo en algún episodio que haya permitido generar tu odio. Yo, no hago el ridículo por el simple hecho de que tú lo estés haciendo. Además, no cobro del presupuesto asturiano ni de ninguna otra parte y seguiré defendiendo mi hermosa y entrañable lengua siempre. Habla como te de la gana, pero no faltes al respeto a los demás, que gozamos del mismo derecho. La ausencia de esa “libertad” a la que aludes, me imagino que extrapolando su uso, es la que ha permitido que el asturiano se encuentre en la repugnante situación de diglosia en la que se halla. Esa libertad, mal entendida, es la que propicia tu libertinaje. Por razones obvias, yo no tengo la intención de haceros gilipollas…
    Ésta es la primera y la última vez que contesto a tus improperios.

    55 min · Editado · Me gusta · 7

Arte Urbanu

Arte urbanu del sieglu XXI sobro puerta decimonónica. Xera realizada n'esprái y mexu gochu bípedu. Títulu: Camín puercu de la cubil.

L'infiernu de los inocentes

L’infiernu de los inocentes y los degorrios humanos…

     Tener a mano una bona ropa d'abrigu de la que llega'l fríu ye fundamental pa sentise bien. Dende milenios usamos les pelleyos de los animales. Pero agora hai texíos netamente meyores, más alcontradizos, más baratos y menos sangrinos. Porque pa llucir un murniu abrigu de piel ye necesariu sacrificar 60 visones, 20 llobos cervales, foinos o melandros, 15 críes de foca, 10 perros mapache, 8 llobos, 6 lleopardos. Tou a mayor gloria d'una moda asesina, cruel ya inútil.

     Cada añu son cazaos cerca de 20 millones d'animales col únicu envís d'utilizar los sos pelleyos. Con falcatrúes pa nun-yos estropiar, provocando con ello horribles tormentos a les agonizantes víctimes. Otros 40 millones son criaos en granxes, la mayoría europees, onde les condiciones d’encarcelamientu y sacrificiu son igualmente tarrecibles. Dando más valir a la so piel qu'a la so vida, los animales de granxa son gasiaos o eleutrocutaos per vía bucal, añal o vaxinal; o esnucaos a palos. Delles vegaes ensin siquier tán totalmente muertos se-yos espelleya. Los restos del so cuerpu tresfórmense depués n'alimentu pa perros y gatos o n'abonos.

     Si merques esti tipu de prendes yes parte del problema, pos la fuerza del consumidor ye la única capaz d'acabar cola industria pellitera. Ye verdá, cada vez s'usen menos los abrigos de pelleyos n'Europa pero, a cambéu, el so consumu encandila agora a millones de chinos y rusos, el nuevu mercáu de les pelleyos de luxu. L'horror nun fina. El casu ye que como dicía'l filósofu Schopenhauer, “l'home fixo de la Tierra un infiernu pa los animales”. (nel 20 minutos de güei)

¡Baxen l'agua!

Baxada del agua del 0,1 % tres xubir el 7% en tres años. La midida de la Canal va suponer un aforru mediu por familia de 4 céntimos cada 2 meses. (Na prensa de güei en Madrid)

«Lo d'Aquagest en Llanes foi un auténticu saquéu». Asina d'atayador foi ayeri Xuan Carlos Armes. (LNE, 19-2-2013)

¿Nun vos decatáis de lu preparaos que tan equí en Madrid? Por dalgo ye la capital. Magar que seya una baxada 70 vegaes menor, queden como que baxaron l’agua. Nun riñen con naide y amás te traten de tontorolu. ¡Lo qu’estudien, chachu! 

Defende lo nueso

Tresno’l paisax, nun la vaca,

enguedeyu y sinestesia,

llen d’alcordances, la maca,

en refugando l’amnesia.

Sueño nel branu y seronda,

suañu d’alliteración,

espierto en vallina fonda,

onde ta’l mio corazón.

Si yá tas perdiendo l’aldu,

restolando l’eufemismu,

mariñán, vaqueiru o xaldu,

adientra nel paraxismu.

Nestos montes, nesta maxa,

desanicia la ironía,

encontando la to casa,

onde too ye poesía.

Ensin ruxerrux cafiante,

ayén a onomatopeya,

onde camuda’l talante,

el paraísu ye ella.

Defende la nuesa braña,

defende la cordelera,

lo más prestosu d’España,

andechemos nesa xera.

Ye abegosu’l so futuru,

van naguar la so bayura,

l’axuntanza y el procuru,

escontra de la llocura.

Nun escaezas na faza,

por ser del terrén, hermanu,

seyas rapaz o rapaza,

el falar nuesu asturianu.

Pasudoble de prau

     Esti pasudoble, magar que desime los acentos métricos nos versos d’arte mayor pal compás de la música, nun vayáis pensar que ye de coña, pos yá lu bailaba Pelayu na so dómina.

Voi cortate una ramina de lloréu

pa que vengas a la fiesta a la mio vera,

pero alviértelu al to mozu, esi tan feu,

nun nos vaya a montar la escandalera.

Garradinos los dos de los cadriles,

baillaremos de nueche na verbena,

que lu sepa la to xente de Porciles,

quien bien calca les chaples y l’arena.

Pasudoble y corríu son los reyes del prau,

el merengue y la cumbia nun se queden atrás,

cola moza curiosa nunca fines baldáu,

anque tea’l pisu pindiu como en Santarvás.

Nun hai fiesta como la fiesta asturiana,

ente montes, ente viesques, ente gloria,

col arume de la sidra de mazana,

d’esta miente fasta’l repunante amoria.

Pasa’l tiempu y la folixa se repite,

la familia aínda teniendo peles muries

y si nel pueblu además tas de convite

desanicies meyor les amarguries.

Pasudoble asturianu,

dende A Veiga hasta Unquera,

ye un pasudoble paisanu,

bailao de cualquier manera.

Nuesu vieyu pasudoble,

ye’l pasudoble más noble,

yá lu bailara Pelayu,

dando vueltes a un escayu.

¡Viven les fiestes de prau!,

¡viven les fiestes na plaza!,

pero anda pelo segáu,

nun sotripe la rapaza.

Carta a la mio ma

Querida ma:

                     Dios quiera qu'al recibu d’ésta t’alcuentres bien auquiera que teas, quedando nós bien pel momentu.

                      Emprincipio la carta como tu me deprendieres a ello, magar qu’Él nun t'echara nin siquier un gabitu de la que tanto padecisti enantes de marchar.

                      Voi dicite que morriera la Duquesa d’Alba y que tolos medios de comunicación se faen ecu de la novedá, al aviesu de cuando tu colasti que nun te reseñó nin la prensa na llista de los que finaron nel día. De les dispenses de pagu pol so patrimoniu, nun te voi falar; yá se sabe que siempres pañaron namái de la refugaya y que, de resultes, siempres pagamos los mesmos.

                      Escaecí camentate qu’Alvarín acabó les dos carreres y una montonera cursos, de los que güei llamen “másteres”, y que foi’l primeru de la so promoción. Sicasí, nun nos dieren nin una mala beca, se conoz que pa eso tamién hai que tener mano. A lo postrero, agora anda bien colocáu.

                      Me presenté a aquel concursu de poesía, nel que por cierto ganó un poema tan malu que diéronme voltures a cuenta l’autor y, sobre too, de la poca vergoña del so padrín. Dende entós, anque que me caltenga ente dolcu y la media manta, yá nada apurro a eses comedies.

                      Pa remate, esclariar que refugué alcordame del to cabudañu pa nun recordar enxamás aquella repunante data.

                      Y por ésta, namás, nun me despido de ti por mor de qu’enxamás dixebrasti de la mio vera, hinchiendo’l gran ciñu que te tengo.

Grapes

     D’entamo somos neños. Sí, guah.es despreocupaos y revolvinos. Dempués, mozos n’ayén que tolo sabemos. De secute, paisanos col xeitu y el procuru más asitiaos. Darréu, vieyos arrequexaos y escaecíos. Más sero,  tornen a alcordase de nós, de la que yes afamáu per un día y el nuesu nome sal espublizáu nesos cartelos que-yos llamen esqueles. Pa entós, toos yéramos abondo bonos. Sicasí, col trescurrir del tiempu, rinde la memoria y cayen les fueyes del cuadru los avisos. A lo cabero, namái se caltienen les grapes, eses repunantes tires d’alambre que s’enferronen dafurto al pasáu como cafiantes cachiparros del nueso destín.

Con tol rebañu

La dolce, dolcena,

chivín, chivirina,

yá nun das nin pena,

yá nun das nin clina.

La cabrina mocha

que foi afamada,

como la Camocha,

la de la tonada.

La oveyina xalda,

carneru la llueca,

que’l rebañu balda,

fuxi de la fueca.

Corderín menudu,

llana d’astracán,

curia del papudu,

fartón y manguán.

Castrón poderosu,

cuernu de ferrial,

nun te come l’osu,

sí’l más animal.

Chivina, chivina,

dexái la corrada,

o marcháis aína,

o vais ser tayada.

Con too un rebañu,

colé pal oriente,

güei yá fai un añu,

tenéilu presente.

Toos son amigos,

toos son collacios,

comemos formigos

per estos espacios.

Encuesta

     Abúltaseme que va ser meyor por too qu’entame les furadures España enantes que Marruecos; sicasí, de la qu’apingayaba güei dempués de xintar, suañé que cubría un cuestionariu nel 2025 p’aportar a la facultá d’Hestoria nel que m’entrugaben:

     ¿Ónde mandaron intervenir a l’Armada Española na segunda decena’l  sieglu?

a)       □  En Xibraltar.

b)      □  Nos desafíos dixebrantes de Mas y más.

c)       □  De la que la Fociquinos nacionalizara una filial d’una empresa española.

d)      □  Contra unos ecoloxistes qu’andaben cafiando por culpa l’esquistu.

Una bicicleta adelanta a un Ferrari

D’entamu, foron los Red Bull, dempués los Mercedes, esti año tamién se colaron los Williams per delantre. Agora, pa remate, una bicicleta con un volador amestáu adelanta a un Ferrari. Pos, malagustu, yá nun pienso mercar un.

Usté pue ser un asesín

       Enredamos dende neños con xuegos pa entretenenos que son en ringla egoístes y que busquen quedar perriba de los demás. Los xuegos de los ricos nun son namái qu’unos xuegos más caros a los que toos nun pueden xugar. Alimentámonos d'otros seres vivos que sienten y padecen como nós y nun cavilgamos en comer ensin matar animales inocentes. Hai bien de xente a la qu’amás-y presta ver como-yos torturen o acaso dispara-yos ellos mesmos. Dacuando en vez, en cualesquier faza, nos matamos ente nós. La humanidá nun foi quien a refugar les guerres y aporfiamos n’amarranos a cuenta de delles relixones. De resultes, nun convién aniciar nenguna monserga porque la cuestión ponse abegosa y medra si naide da’l so brazu a torcer. Sí, el vecín que menos te pienses ye un asesín en potencia. Arriendes que tu mesmu, si se dan les circunstancies favoratibles, pues algamar a selu porque nun yes yerba d’otra tenada.

Sabíalu bien

      Aneciando cola tema de como camuden los tiempos, alcuérdome de qu’enantes se cortexaba a tríu, esto ye’l mozu, la moza y la carabina. De la que dabes un chuchín a una rapaza, cuasi que teníes que casar con ella. Sí, naquella dómina too taba mui controláu y nun valía pa nada la falcatrúa de les pareyes de fechu. Tamién recuerdo que tando nun hotel de la mariña mediterránea coincidí con Gloria Fuertes y que de la que prebara la temperatura l’agua la piscina metiendo la deda glayó: ¡Somorguies equí y quedes embaranzada! Y yera verdá, sabíalu bramente, les muyeres entós teníen que curiase perbién pos sentíense abondos casos d’abultamientos por xeneración espontánea.

Xera

     Resulta alloriante agüeyar y sentir como camuden les coses col tiempu. Enantes, en Xera too nos yera familiar. Baxábamos dende Vi!!ar de la qu'había que mercar cualquier preséu o alimentu y caleyábamos pela so cai principal mesmamente que como pela Gran Vía de Madrid. Dende que morrieron los mios tíos, travesamos Xera dafurto col coche, namái que de pasada. Sicasí, agora nos da la impresión de ser un pueblu talamente ayenu; cuasi que como un de les películes d’americanos onde malapenes acolumbres les fachaes, anque detrás delles moren otres nueves y candiales xentes. Por embargo, les bombones de butanu aínda se caltienen a la escontra mirando pa Casa Carambolas coles sos cadarmes metáliques asentaes nel mesmu escañu de la impasibilidá.

Marramiáu

Folgaba’l señor don ratu,

echadín nel so furacu

marramiáu, que diz el gatu,

a la gueta del furacu.

Cuando recibió una carta,

por si–y peta ser cesáu,

marramiáu, carta qu’aparta,

por si–y peta ser cesáu.

Por una tarxeta opaca,

que yá esfrutara Blesa,

marramiáu, parió la vaca,

tarxeta ñegra y encesa.

Al ratu dempués del gastu,

prindaron-y nel furacu,

marramiáu, nun tien bon tastu, 

prindaron-y nel furacu.

Anque estazó la baraxa.

diz que nun rompiera un platu

de la que tuvo na Caxa,

pos nada sabía’l ratu.

Al golor del gamonéu,

camudó d’economía,

marramiáu que tuvo feu

y atropó muncha rensía.

Too tuvo que tornar

de la bolla de quebrantos,

marramiáu vaya finar,

igual que van finar tantos.

Magar que canta la xente:

siete vides tien el ratu,

marramiáu, tenlo presente,

que naide escaeza’l datu.

El Pinrock de la prisión

 Tol día tan de fiesta equí na prisión,

la orquesta de los presos entamó a sonar,

igual que tolos díes yá llegó’l camión,

cargáu colos corruptos que van a ingresar.

Y el 47 dixo al 23,

el rock de la cárcel yá va aporfiar,

prindaron al Granados y tu nun lu crees,

ven equí esnalando a rocanrolear.

Que va a reventar,

ta tol mundiu yá en prisión,

y nun son quien a baillar.

 Anda güei qu’esbaria l’Anticorrupción,

The Gürtels nun sabíen dar al saxofón,

los ERE y tarxetes bien saben tocar,

y col Ferrán darréu vienen d’enrechar.

Y un amarguríu nun quixo baillar,

nun baillo’l rockabilly, yo nun fui a pillar,

magar que’l carceleru yá afinó’l roncón

y mandó-y a baillar el rock de la prisión.

Tol mundiu a baillar,

arrevienta la prisión,

y hai más por llegar.

Pal ramu la Variante

(Semeya, LNE)

Na prensa de güei (24.10.2014):

“La titular de Fomentu dio por superaos los abegosos problemes de filtriaciones d'agua, nos que la so solución incluye un bombéu pa tornar a Llión parte del líquidu que se cola a los tubos.

Fontes de la obra caltienen que los trabayos de contención de la fastera inestable de Campumanes se desendolquen con xeitu y que, d’entamu, nun van suponer una torga pa que se cumpla l'oxetivu d'inaugurar el trazáu en 2015”.

Pal ramu d’esta novena maravía del mundiu deben d’allegase tolos del gobiernu actual y tolos de los anteriores implicaos qu’anden de conseyeros nes llétriques y otres grandes empreses. Toos xuntos dende Lleón tienen que trespandar p’Asturies nesi viaxe inicial ─y yá iniciáticu─ y los sobrevivientes nun escaecer que, si esbarrumba'l terrén moventible encima, nun tien la culpa'l conductor.

Siempres nos quedará La Cafiante...

Pastor: "La variante de Payares va abrir en 2015 si nun hai problemes téunicos" (Na prensa de güei).

Yá lu dixi en Casablanca:

Nun furrula esa Variante,

a cualquier gobiernu atranca,

siempres queda la Cafiante (5 hores).

Saludos candiales pa Pindesierra, que sabe como va esa guerra.

Compartíu en Feisbuc, d'Humphrey Bogart a Pindesierra.

SORIA

Desde un cerro reMachado,

Soria regia mira al Duero,

a un románico legado

y a un presente lisonjero.

Suevos, dorios y romanos

 ocuparon su atalaya,

para otros, los sarranos,

alternando en la batalla.

¿Quién sabe de su alternancia?,

ya refrendará la historia,

como acreditó Numancia,

cual estableciera Soria.

De tu egregio mirador,

ya refería el romance,

tras del hijo de Almanzor,

quedara el Duero a su alcance.

Fuiste línea, fuiste marca,

Alfonso en batalla dura,

reconquistó tu comarca,

Cabeza de Extremadura.

Soria sabe de judíos,

Soria sabe de su aljama,

de cañadas y de fríos,

de linajes y de drama.

Resurgiste de cenizas,

  saqueos galos, contiendas,

y en tus cerros cicatrizas:

ánimas, llaga y leyendas.

Inútil el eufemismo,

en calles y plazoletas,

reencuentra consigo mismo,

la Ciudad de los Poetas,

A Soria, La Bien Cantada,

en San Saturio, con calma,

brindo sólo esta rimada,

pues antes robó mi alma.

Velea

(Semeya, rtve)

     Anueche soñé qu’un pelleyu toru se tresformó nuna xigantesca tela d’araña. Dellos arácnidos alministraben el so gobiernu y les grandes empreses dende peronia. La corrupción nun yera una esceición sinón que taba perafitada per tolos filos. Los trabayadores yeren inseutos a los que-yos zucaben el sangre y namái dalgunos más gordos, cabezaleros d’un sindicatu, llibraben de la llaceria. A los más vieyos ─yá ensuchos─, qu’andaben estremaos pelos requexos, se-yos aporfiaba en retayar la pensión de vieyura pa la que cotizaron tola so vida.

     Güei, de la que me desperté del suañu, m’alcontré col mesmu cuadru. La velea nun finara.

Nun quiero caxa caída

Nun quiero caxa caída,

nin tarxeta anegruzada,

nin mantener de por vida

a toa esa gandayada.

Pretendistis esbardiar

en caxa de preferentes

y vos van enchirolar

p’aselar les bones xentes.

Hai tiempu que lu dicía:

un edificiu que valta

tien que valtar cualquier día,

con tol dineru que falta.

El perrín y el pullu

Mio perrín collaciu,

burrín d’afalagu,

qu’agüeyáis con xaciu,

con tol ciñu pagu.

Mantu de llanuxu,

güeyos de verdá,

bien esbaria lluxu,

quien amores da.

Nel verde del prau,

damos forcadielles,

tumbaos nel segáu,

cucamos estrelles.

Abluguen del vientu,

na vera’l bardial,

curien col so ventu,

campa y xaratal.

Benditu respingu,

qu’aporta la paz,

si de pocu ringu,

ye de munchu araz.

Fuelguen de sutrucu

y xuntos los ves,

duermen como un tucu,

allá en Guruyés.

Probe del humanu,

que llocu estrapalla,

que presume ufanu,

y per dientro ablaya.

El perrín y el pullu,

refuguen los males,

nun saben d’arguyu,

trazos d’animales.