Les fotos son espeyos onde nos reflexamos
nel pasáu. Alcordances d’un tiempu que foi y que tuviéramos la suerte de vivir.
Un diploma por siguir entá vivos. Cuando les semeyes son de la nuesa familia
o’l nuesu pueblu, garren un especial significáu: los parientes anecien en
sonrir ya agabítannos pa siguir p’alantre y los edificios aporfien en caltenese
argutos anque valtaren, como denunciando la fechoría del que mandó
esbarrumbalos, talamente como l'afamáu casinu de Grau. Falando de Grau, de la
so xente, de los so comercios y feries, mientres que trescurriera too un
sieglu, que meyor pa repasar la so historia qu’esti maraviyosu llibru que nos
ufierta’l nuesu amigu José Luis Areces Sánchez.
No hay comentarios:
Publicar un comentario