Lluis de Turiellos

Y un poeta orixinal, que ye una categoría a parte que dexa güelga propia nel camín de les lletres, que yá ye abondo. (Munches gracies, Lluis)

viernes, 7 de abril de 2017

L'elefante nel pasáu recién


Yera duru pal braniante,
yera pardu amarronáu,
el papel del Elefante,
que desendolcaba en prau.

Non tanto como la prensa:
La Nueva, La Voz, Rexón.
Tanta fueya, tanto censa
per lloría y fondigón.

La Ilustración asturiana
siempres fixo bon papel
qu’espardía na quintana
en catropea y tropel.

Dempués, los tiempos modernos
endilgáronnos el rollu,
dacuando’l de los cuadernos
pal apuru con resuellu.

Pero’l pantalón baxar
seique resultó abegosu,
fora en corte o en payar,
pa cubrir culu y toroxu.

Peor al albentestate,
podía pillate un vecín
o una paisana escuclate
pel traseru o cebollín.

Magar llegó l’escusáu,
iguara lo repunante,
aportó papel blanquiáu
y refugó l’Elefante.

No hay comentarios:

Publicar un comentario