Lluis de Turiellos

Y un poeta orixinal, que ye una categoría a parte que dexa güelga propia nel camín de les lletres, que yá ye abondo. (Munches gracies, Lluis)

domingo, 2 de abril de 2017

PRESUNCIÓN



Rosal, menos presunción,
qu’esa rosina de mayu
finará como un escayu
sin valir la esmolición.

¿De qué sirve presumir,
rosal de tan bon xurdir,
 si acabantes de nacer
tas entamando a morrer?
Fai llorar y tamién rir,
vivu o muertu ente formol,
sía a rellumar col sol:
dende oriente al occidente,
la guapura ye accidente,
igual que la perfeición.
Rosal, menos presunción,
onde tán les clavelines,
mañana van ser espines
les qu'agora roses son.

Nun ye grande la ventaya
que la realidá afaya:
que nes mantielles d’aurora,
la nueche amortaya agora.
Nun hai floruca de faya
 que nun t'algame de díes
pastu de caballeríes,
por ser pariente del alba,
ta escoyonando la malva,
la melota d'un tarrón.
Rosal, menos presunción,
magar que güei tengas roses,
seguru mañana escoses
les roses de quita y pon.

Pos non, nun ye presunción,
lo que la natura asume,
que too na vida sume,
guardái toos compasión.



No hay comentarios:

Publicar un comentario