(La mamina de José Núñez)
Señora paisana
que nel tiempu xube
xeitu d’asturiana
ya’l pelo de ñube.
Cayáu de madera
p’aguantar los años,
bien de dura xera
y mil desengaños.
Mirada perdía,
perdía en pasáu,
esmuz cada día
el tiempu atropáu,
los golpes, engurries
y los reconchones,
l’aspeutu, les murries,
llárimes y sones.
Que pal escaezu,
bien de tiempu queda,
qu’afuega’l pescuezu
ya acuta la veda.
Tráyeme alcordanza
de mio ma bendita,
colinga en perganza,
la mio murnia afita.
Carezo l’agraviu,
la vida asonsaña,
sofita Cartavio,
conceyu Coaña.
Quería señora:
si esto–y prestara,
dedíco–ylu agora,
besándo–y la cara.
No hay comentarios:
Publicar un comentario