De caxes, dibuxos
en policromía.
De plumes, de fusos,
de caligrafía.
De manes, adornos,
mines de colores.
De suaños, entornos,
páxaros y flores.
De llibros, de cuentos,
de meses ya estantes.
Nun ven los momentos,
les coses d’enantes.
De llenzos, pinceles,
tintes y pintures.
Borres ya acuareles,
de clares ya escures.
De ruedes que rueden,
de bien d’enguedeyos.
Pa neños qu’enrieden,
pa otros que son vieyos.
Requexos de maxa,
bolses con mensaxes.
De paya, la paxa;
un día, forgaxes.
Sele y con bon trazu,
cuadernu de rayes.
Comerciu y cabazu,
al so ablugu afayes.
D’ilusión, la tienda,
l’arume a madera.
La entrada a la sienda,
pel cabu l’acera.
Nel rellumu o mate
de fotografía.
Quien nun se decate,
falta–y fantasía.
No hay comentarios:
Publicar un comentario